ACEH_03378

AL-AN'AM (6) JUZ 7
1
Watee nyan teuwo teuh bandum ligat
Tuhan charikat han le tapeugah
42. Ka Kamoe kirem rasul yoh dilee
Keu umat dilee masa nyang sudah
Kamoe bri bala lom pih meularat
Mangat jita'at bek le buet salah
43. Pakri teuma jih'oh teuka bala
Han jitem gisa ta'at keu Allah
Tapi atejih kreuh lagee batee
Lom jih jitipee le chetan jadah
Jipeungui sang got buet jih le chetan
44. Hingga 'oh simban jipubuet salah
. Ka abeh teuwo jih dum nasehat
Nyang geupeuingat keu jih dum sudah
Kamoe peuhah treuk pinto dum keu jih
Peue-peue nyang h'eut jih bandum ka teuhah
'Oh ka sep seunang jih ngon atranyoe
Ban tanjo Kamoe meucok le bagah
Meuhukom treuk jih ngon tiba-tiba
Meupeutoh asa treuk jih dum teulah
1 45. Puntong treuk iku kawom nyang lalem
Tinggai treuk laen al-Hamdulillah
Sigala pujoe meuwoe keu Tuhan
Nyang Po dum alam deungon blah bicah
46. Takheun boh pakri meunyo di Tuhan
Dum pendengaran gata Neukeubah
Ngon penglihatan teuh han Neubri le
Neutop ngon ate teuh dum le Allah
Teuma soe nyang bri keu gata laen
Na Tuhan laen nyang bukon Allah
Boh taeu pakri Kamoe bri ayat
Di jih dum meuhat jipaleng sudah
47. Takheun boh pakri meu troh bak gata
Ngon tiba-tiba troh azeub Allah
Atawa leumah takalon azeub
Boh soe teuma jeut binasa sudah
192