Hizkuntzen Europako Erreferentzia Marko Bateratuari buruzko ...
Hizkuntzen Europako Erreferentzia Marko Bateratuari buruzko ...
Hizkuntzen Europako Erreferentzia Marko Bateratuari buruzko ...
Create successful ePaper yourself
Turn your PDF publications into a flip-book with our unique Google optimized e-Paper software.
R (98) 6k hizkuntza modernoen esparruan gauzatzen diren jardueren helburu politikoak berresten ditu<br />
bere atarikoan:<br />
- Europar guztiei prestakuntza egokia eman, nazio batetik bestera mugitzeko erraztasuna emateko eta<br />
elkarlan estuagoa bideratzeko, hezkuntza, kultura eta zientzian ez ezik, baita merkatuaren eta<br />
industriaren esparruetan ere.<br />
- Nazioarteko komunikazio eraginkorra sustatzeko, nortasun eta kultur aniztasuna ulertzen, onartzen<br />
eta errespetatzen lagundu.<br />
- <strong>Europako</strong> kultur bizitzaren aberastasuna eta aniztasuna mantendu eta garatu, nazio- eta eskualdehizkuntzen<br />
arteko ezagutza sustatzeko, ezezagunenak ere barne hartuta.<br />
- Europa eleanitz eta kulturanitzaren beharrak ase, hizkuntz eta kultur desberdintasunaren mugak<br />
gainditzeko europarrak elkarrekin komunikatzeko trebatuz. Ahalegin egonkor eta iraunkorra<br />
eskatzen du horrek, hots, hezkuntza-sistemaren maila guztiak dagokien erakundeek sustatuak,<br />
antolatuak eta finantzatuak izatea.<br />
- Elkarreraginaren Europan besteekin komunikatzeko trebetasunik ez duena baztertzeak ekar<br />
ditzakeen arriskuak saihestu.<br />
Estatuburuen lehenengo goi-bilerak garrantzi berezia eman zion azken helburu horri; Europan barrena<br />
mugitzeko eta Europan integrazioa bideratzeko eragozpentzat hartu zuten xenofoboen eta<br />
ultranazionalisten jarrera biolentoa, eta orobat hartu zuten Europaren egonkortasunerako eta<br />
demokraziaren funtzionamendu egokirako funtsezko oztopotzat. Bigarren goi-bileran hiritartasun<br />
demokratikoa lantzea jarri zuten hezkuntzaren lehentasunezko helburu gisa, eta, beraz, garrantzi berezia<br />
eman zioten egitasmo berriagoetan kontuan hartu den honako helburu honi:<br />
Hizkuntza modernoen irakaskuntzan, gizarte-trebetasunekin eta erantzukizunarekin batera,<br />
independentziaz pentsatzeko, epaitzeko eta jarduteko bidea ematen duten metodoak sustatzea.<br />
Helburu horiei jarraituz, Ministro Kontseiluak bereziki nabarmendu zuen "orain eta etorkizunera<br />
begira, jarduera-arlo espezifiko batzuk garatzeak duen garrantzia; testuinguru paneuroparrean<br />
eleaniztasuna bultzatzeko hizkuntzen ikaskuntza dibertsifikatzeko eta trinkotzeko estrategiak garatzeak<br />
duen garrantzia, esaterako"; eta arreta handia eman zion hezkuntza-loturen eta trukeen garapena<br />
sustatzeak duen garrantziari, eta, orobat, komunikazioaren eta informazioaren teknologia berriek duten<br />
ahalmena osorik baliatzeari.<br />
1.3. ZER DA ELEANIZTASUNA?<br />
Azken urteotan, eleaniztasunaren kontzeptua gero eta indar handiagoa hartuz joan da <strong>Europako</strong><br />
Kontseiluak hizkuntzen ikaskuntzari buruz duen ikuspegian. Baina eleaniztasunak ez du hizkuntz<br />
aniztasun soila esan nahi.<br />
Hizkuntz aniztasunak hizkuntza asko ezagutzea edo gizarte jakin batean hizkuntza asko aldi berean<br />
bizitzea esan nahi du. Ikastetxe batean edo hezkuntza-sistema jakin batean eskaintzen diren hizkuntzak<br />
dibertsifikatze hutsarekin lor daiteke hori, ikasleek atzerriko hizkuntza bat baino gehiago ikas dezaten<br />
bultzatuz, edo ingelesak nazioarteko komunikazioan duen nagusitasuna murriztuz.<br />
Ikuspegi eleanitzak hau esan nahi du, ordea: gizabanakoak hizkuntza baten kultur ingurunean duen<br />
hizkuntz esperientzia zabaldu ahala, hasi familia-hizkuntzatik eta gizarte-hizkuntzaraino, oro har, eta<br />
beste herri batzuetako hizkuntzetaraino gero (izan eskolan edo unibertsitatean ikasiak, edo zuzeneko<br />
esperientziaren bidez ikasiak), hizkuntza horiek eta kultura horiek ez ditu adimeneko gune berezietan<br />
gordetzen; aldiz, komunikazio-gaitasun bat garatzen du, hizkuntz arloko ezagutza eta esperientzia<br />
guztien bidez eta hizkuntzen arteko harremanaren eta elkarreraginaren bidez.<br />
Egoeraren arabera, pertsona batek malgutasunez joko du, gero, gaitasun horren parte bakoitzera,<br />
solaskide jakin bakoitzarekin komunikazio eraginkorra lortzeko. Adibidez, solaskideek hizkuntza<br />
desberdinak edo dialekto desberdinak erabil ditzakete, eta horrela bakoitzak hizkuntza batean zerbait<br />
adierazteko duen trebetasuna eta beste hizkuntza bat ulertzeko duena ustiatuko dute.<br />
Pertsona batek hizkuntza bat baino gehiago ezagutzea balia dezake idatzizko nahiz ahozko testu bati,<br />
aldez aurretik "ezezaguna" zuen hizkuntza batekoa izanik ere, zentzua hartzeko, baldin nazioarteko<br />
oinarri bera duten eta beste forma batekin agertzen diren hitzak ezagutzen baditu. Ezagutzaren bat<br />
badutenek, txikia izan arren, lagungarri moduan erabil dezakete, hizkuntza bateraturik ez duten eta,<br />
beraz, elkarrekin komunikatzeko ahalmenik ez duten gizabanakoen artean bitartekotza-lanak egiteko.<br />
Bitartekotzarik ezean ere, gizabanako horiek nolabaiteko komunikazio-maila bat lor dezakete, baldin eta<br />
hizkuntz arloan duten esperientzia guztia baliatzen badute, hizkuntza eta dialekto desberdinetako<br />
15