Hizkuntzen Europako Erreferentzia Marko Bateratuari buruzko ...
Hizkuntzen Europako Erreferentzia Marko Bateratuari buruzko ...
Hizkuntzen Europako Erreferentzia Marko Bateratuari buruzko ...
Create successful ePaper yourself
Turn your PDF publications into a flip-book with our unique Google optimized e-Paper software.
Ezagutza berriak ez zaizkie, besterik gabe, lehendik norberak zituen ezagutzei eransten; aitzitik,<br />
norberaren lehendiko ezagutzen izaeraren, aberastasunaren eta egituraren arabera antolatzen dira, eta<br />
haiek aldatu eta berregitura ditzakete, neurri batean. Jakina, gizabanakoaren lehendiko ezagutzak<br />
berebiziko garrantzia du hizkuntzen ikaskuntzan. Askotan, irakaskuntza- eta ikaskuntza-metodoek<br />
jakintzat ematen dute munduaren kontzientzia hori. Dena dela, egoera batzuetan (adibidez, murgilketan,<br />
irakaskuntza norberaren ama-hizkuntzan egiten ez den eskola edo unibertsitate batean jardunez)<br />
ezagutza linguistikoen eta beste ezagutza batzuen arteko aldibereko eta elkarrekiko aberastea gertatzen<br />
da. Oso kontuan hartzekoa da, beraz, ezagutzen eta komunikatzeko gaitasunaren arteko lotura.<br />
Trebetasunak eta abileziak delakoa (egiten jakin, savoir-faire, ikus 5.1.2. atala), edozein helburu<br />
dutelarik ere –izan autoa gidatzea, biolina jotzea edo bilera bat zuzentzea–, prozedurak garatzeko<br />
gaitasunaren araberakoak dira, ezagutza deklaratiboen araberakoak baino gehiago; baina, hala ere,<br />
trebetasun horiek errazago lortuko dira “ahantz daitezkeen” ezagutzak bereganatuz eta barneratuz, eta<br />
era askotako gaitasun existentzialak (adibidez, ataza egiterakoan lasaitasunez edo tentsioan aritzea) izan<br />
ditzake lagungarri. Har dezagun, adibidez, autoa gidatzeko trebetasunaren adibidea: autoa gidatzea<br />
prozesu ia automatikoen sail bat da, errepikapenez eta esperientziaren bidez ia automatiko bihurtzen<br />
diren prozesu-sail bat (lozagia atera, abiadura aldatu, etab.); baina, hasieran, eragiketa kontzienteak<br />
eta hitzez adieraz daitezkeenak bereiztea eskatzen du (altxa ezazu oina mantso-mantso lozagitik,<br />
hirugarren abiadura jarri, etab.), eta baita ezagutza jakin batzuk barneratzea ere (auto ez automatikoek<br />
hiru pedal dituzte, honako zeregin hauek betetzen dituztenak, etab.), “gidatzen ikasi dugunean”<br />
halakoetan kontzienteki pentsatu beharrik izango ez dugun arren. Gidatzen ikasteko kontzentrazio handia<br />
behar dugu, eta ardura handia ere bai, geure buruaren irudia bereziki hauskorra baita egoera horretan<br />
(huts egiteko, autoa gidatzeko gai ez garelako itxura emateko arriskua). Trebetasunak menderatzen<br />
dituenean, errazago jardungo du gidariak eta konfiantza gehiago izango du bere buruan; bestela,<br />
bidaiariak eta gainerako gidariak nahastuko lituzke. Bada, antzera gertatzen da hizkuntzen ikaskuntzaren<br />
zenbait alderdirekin ere (adibidez, ahoskerarekin eta gramatikaren atal batzuekin, flexio morfologikoekin,<br />
esaterako).<br />
Gaitasun existentziala (savoir-être, ikus 5.1.3. atala), gizabanakoaren ezaugarrien, izaeraren<br />
bereizgarrien eta jarreren batura da; hor sartzen dira, adibidez, nork bere buruaz duen irudia eta<br />
gainerakoez duena, edo beste pertsona batzuekin gizarte-harremanak izateko borondatea. Gaitasun hau<br />
ez da soilik izaeraren ezaugarri aldaezinen ondorioa; aitzitik, hainbat eratako kultura harremanen<br />
ondorio diren eta eralda daitezkeen alderdiak ere hartzen ditu bere baitan.<br />
Izaeraren ezaugarri, bereizgarri eta egoera horiek oso kontuan hartu beharreko parametroak dira<br />
hizkuntza bat ikastean eta irakastean; beraz, definitzen zailak gerta daitezkeen arren, ezinbestean sartu<br />
behar dira Erreferentzi <strong>Marko</strong> batean. Gizabanakoaren oinarrizko gaitasunak osatzen dituzte, eta, beraz,<br />
haren ahalmenen alderdi bati dagozkio. Erabileran eta ikaskuntzan (adibidez, hizkuntza baten edo<br />
gehiagoren erabileran eta ikaskuntzan) barnera eta eralda daitezkeen neurrian, jarrerak finkatzea<br />
helburutzat har daiteke. Sarri adierazi izan denez, gaitasun existentzialak kulturarekin lotuta daude, eta,<br />
beraz, kulturarteko pertzepzioari eta harremanei eragiten diete: kultura jakin bateko kide batek<br />
laguntasuna eta interesa aditzera emateko duen modua, adibidez, jarrera erasokor edo iraingarri gisa har<br />
dezake beste kultura bateko kideak.<br />
Ikasten jakin (savoir-apprendre, ikus 5.1.4. atala), gaitasun existentziala, ezagutza deklaratiboak<br />
eta trebetasunak hartzen ditu bere baitan, eta hainbat eratako gaitasunak baliatzen ditu. Ikasteko<br />
gaitasuna “bestelakoa” dena –beste hizkuntza bat, beste kultura bat, beste pertsona batzuk edo<br />
ezagutza-arlo berriak– aurkitzeko trebetasun edo joera gisa ere uler daiteke.<br />
Ikasteko gaitasunaren kontzeptua, orokorrean aplika badaiteke ere, bereziki egokia da hizkuntzen<br />
ikaskuntzan. Izan ere, ikasleen arabera, ikasteko gaitasuna maila askotakoa izan daiteke eta gaitasun<br />
existentzialaren, ezagutza deklaratiboen, trebetasunen eta abilezien (savoir-faire) alderdi asko konbina<br />
ditzake, adibidez:<br />
- Gaitasun existentziala: esaterako, aurrez aurreko komunikazioari ekiteko edo are arriskuak hartzeko<br />
borondatea, hitz egiteko aukera baliatuz, edo solaskideei laguntza eskatuz, esandakoa hitz<br />
errazagoen bidez adieraz dezaten, etab.; baita entzumenaren ulermenezko trebetasunak ere,<br />
adibidez, esaten denari arreta ipintzea, besterekiko harremanean kultur desberdintasunaren<br />
ondorioz sor daitezkeen gaizki ulertuen arriskuen kontzientzia berezia izatea.<br />
- Ezagutza deklaratiboak: adibidez, hizkuntza jakin baten deklinabideko egitura jakin batzuei<br />
dagozkien lotura morfosintaktikoak ezagutzea; edo kultura jakin batzuetako elikadurari edo sexujarduerari<br />
lotutako tabuak edo erritual bereziak izan daitezkeela, edo erlijio-kutsua izan dezaketela,<br />
ohartzea.<br />
- Trebetasunak eta abileziak (savoir-faire): adibidez, hiztegia erabiltzeko, dokumentazio-zentro bat<br />
aurkitzeko erraztasuna; ikus-entzunezko edo informatikako baliabideak (Internet, adibidez)<br />
erabiltzen jakitea, ikasteko tresna moduan.<br />
21