Hizkuntzen Europako Erreferentzia Marko Bateratuari buruzko ...

diren argibide xeheak ematea (adibidez, sendagileari sintomak deskribatzea), oso zehatz ez bada ere;
gauza bat zergatik den arazo azaltzea; istorio labur, artikulu, hitzaldi, eztabaida, elkarrizketa edo
dokumental bati buruzko iritzia laburtzea eta adieraztea, edo xehetasunei buruzko galderei erantzutea;
prestatutako elkarrizketa egiteko gai izatea, informazioa aztertuz eta egiaztatuz, nahiz eta, tarteka,
elkarrizketa egiten duenari esandakoa errepikatzeko eskatu beharko dion, bizkorregi edo luzeegi hitz egin
duelako; zerbait nola egiten den deskribatzea, jarraibide xeheak emanez; bere arloko ohiko eta ez ohiko
gaiei buruz metatutako informazioa segurtasun apur batez trukatzea.
B2 maila maila berria da; B1etik (Atalase-maila) maila bat gora dago, A2 maila B1 mailatik behera
dagoen distantzia berean. Maila Estrategikoaren edo Begiralekuaren espezifikazioa irudikatzen du.
Metafora horrek adierazten du ikasleak, erdiko mailan geldiro baina tinko aurrera eginez, norabait heldu
dela sumatzen duela, gauzek ez dute berdin ematen eta bestelako ikuspegi batez begiratzen du ingurura.
Kontzeptu hori maila honetan neurturiko deskribatzaileek sortu dute, itxura denez, neurri handi batean.
Orain arteko edukiekiko nolabaiteko haustura bat dagoela adierazten dute. Adibidez, maila honen beheko
aldean argudio eraginkorra da nagusi: eztabaidetan bere iritziari buruzko azalpenak ematea eta hari
eustea, azalpen, argudio eta iruzkin egokien bidez; gai jakin bati buruzko ikuspegia azaltzea, aukera
bakoitzaren abantailak eta eragozpenak adieraziz; argudio arrazoituen katea osatzea; argudio bat
garatzea, ikuspegi jakin baten alde edo kontra eginez; arazo bat azaltzea eta negoziazioan parte hartzen
ari den beste parteak zerbaitetan amore eman behar duela aditzera ematea; arrazoi, ondorio, egoera
hipotetikoei buruz espekulatzea; gai arruntei buruzko eztabaida informaletan parte hartzea, era aktiboan,
iruzkinak eginez, bere iritzia garbi azalduz, proposatutako alternatibak ebaluatuz, eta hipotesiak egin eta
haiei erantzunez. Bestalde, maila honetan aurrera egin ahala, beste bi ardatz ere agertuko dira.
- Lehena gizarteko diskurtsoan nola edo hala moldatzeko baino gehiagorako gai izatea da, adibidez:
elkarrizketan naturalki, jariotasunez eta eraginkortasunez jarduteko gai izatea; inguru zaratatsuan
ere ahozko hizkuntza estandarrean zer esaten den xehetasunez ulertzea; elkarrizketa abiatzea,
egoki denean hitza hartzea eta, hala behar denean, elkarrizketa etetea, nahiz eta batzuetan ez izan
oso dotorea; esaera eginak erabiltzea (adibidez, "Ez da erraza galdera horri erantzuten") denbora
hartzeko eta esan beharrekoa formulatu bitartean hitz egiteko txandari eusteko; jariotasunez eta
bat-batean aritzea, jatorrizko hiztunekin presiorik edo ahalegin handirik gabe harremana izateko
moduan; elkarrizketan gertatzen diren norabide, estilo eta enfasi aldaketetara egokitzea; jatorrizko
hiztunekin harremana edukitzea, nahi gabe haiei barre eragin gabe edo haiek gogaitu eta jatorrizko
beste hiztun batekin ez bezala aritzera behartu gabe.
- Bigarren ardatza hizkuntzaren jabetzaren maila berria da: akatsak zuzentzea akats horiek gaizki
ulertua sortu badute; "akats gogokoenen" zerrenda osatzea eta diskurtsoa horri jarraituz eratzea;
akatsez edo hutsegiteez ohartuz gero, akats edo hutsegite horiek zuzentzea; zer esan eta nola esan
prestatzea, hartzailearengan izango duen eragina kontuan harturik. Hizkuntz ikasleak gainditu
beharreko atalase berria da, nolabait esateko.
Hurrengo maila, B2+ maila, Maila Aurreratuari edo Erabiltzaile independentearen mailari
dagokio, eta bertan B2 mailan (Vantage) argudioari, gizarte-diskurtso efektiboari eta hizkuntzaren
jabetzari buruz hasitako lanari jarraipena emango zaio. Nolanahi ere, argudioa eta gizarte-diskurtsoa
azpimarratze hori diskurtsoarekin loturiko ahalmenak azpimarratze gisa ere interpreta liteke. Diskurtsoan
gaitasun maila berria eskuratzea elkarrizketa kudeatzeko moduan nabarmentzen da (elkarlanerako
estrategiak): ikaslea gai da elkarreragina izateko eta solaskideen adierazpenei eta inferentziei jarraitzeko,
eta, beraz, eztabaidaren bilakaerari laguntzeko; solaskideek adierazitakoari trebetasunez eransten dio
bere ekarpena.
Eta agerian gelditzen da, orobat, koherentzia/kohesioa arteko lotura: kohesio elementu kopuru
mugatua erabiltzen du esaldiak lotzeko, diskurtso argi eta koherentea osatuz; lokailu-sail bat
eraginkortasunez erabiltzen du, ideien arteko lotura garbi adierazteko; gai da argudio bat sistematikoki
garatzeko, alderdi garrantzizkoenak azpimarratuz eta bigarren mailako xehetasunak albo batera utziz.
Azkenik, maila honetan biltzen dira negoziaziorako deskribatzaileak: gai da ordain-eskakizunaren
azalpena egiteko, diskurtso sinesgarria erabiliz eta argudio sinpleak emanez ordaina eskatzeko; emate
edo kontzesioetan, mugak argi zehazten ditu.
C1 maila, hurrengoa, Maila autonomo edo Gaitasun operatibo eraginkorra deritzona da. Maila honen
ezaugarri nagusia diskurtso-sail zabal bat erabiltzeko gaitasuna da, jariotasuna eta bat-bateko
komunikazioa bideratzeko aukera ematen duen diskurtsoa osatzeko gaitasuna, honako adibide hauetan
ikus daitekeen moduan: gai da gauzak jariotasunez eta bat-batekotasunez, eta are ahalegin handirik egin
gabe, adierazteko. Hiztegi-errepertorio zabala eta txukuna du, eta horrek hutsuneak itzulinguruak eginez
betetzeko aukera ematen dio. Ez du ahalegin nabarmenik egin beharrik esamoldeak edo saiheste-
41