IV. Inkesta Soziolinguistikoa. 2006 - Euskara - Euskadi.net

IVInkesta(NAF)Eusk.qxd 3/7/08 16:28 Página 148
148
N A F A R R O A
IV. INKESTA SOZIOLINGUISTIKOA
2.3. TALDEEN EZAUGARRIAK HIZKUNTZA-GAITASUNAREN
ARABERA
Hizkuntza-gaitasunaren tipologia osatzen duten hiru taldeetako bakoitzaren (elebidunen,
elebidun hartzaileen eta erdaldun elebakarren) ezaugarriak ikusiko ditugu
jarraian.
Elebidunen ezaugarriak honakoak dira:
Eremu euskaldunean edo mistoan bizi dira eta gurasoak bertakoak
dituzte.
Erdiak baino gehiagok euskara dute lehen hizkuntza eta heren batek euskaraz
egin ditu oinarrizko eta bigarren mailako ikasketak. Bostenak, gainera,
eskolatik kanpo ikasi edo hobetu du euskara.
Elebidunen erdiak baino gehiagok gurasoak, biak, elebidunak dituzte.
Halere, bada talde handi bat (laurdena baino gehiago) guraso erdaldunak
dituena.
Euskararekiko interes handia dute eta euskara sustatzearen alde daude.
Elebidun hartzaileen ezaugarriak, aldiz, beste hauek dira:
Gehienek gaztelania dute lehen hizkuntza eta gaztelaniaz egin dituzte
oinarrizko eta bigarren mailako ikasketak.
Oro har, familia, lagunartea eta lan-giroa erdaldunak dituzte, baina elebidun
hartzaile gehienen seme-alabek euskaraz dakite.
Gehienak eremu mistoan bizi dira.
Euskararekiko interes handia dute eta euskara sustatzearen alde daude.
Azkenik, erdaldun elebakarrak honelakoak dira:
Gehienak bertakoak diren arren, etorkinak ere gero eta gehiago dira,
azken urteotan etorritakoak, hain zuzen ere.
Ia denek gaztelania dute lehen hizkuntza edo euskara ez den besteren
bat.
Eremu mistoan eta ez euskaldunean bizi dira.
Ehuneko hamabost euskara ikasten ahalegindu dira eskolatik kanpo.
Euskararekiko interes txikia dute, baina lautik bat euskara sustatzearen
alde dago.