IV. Inkesta Soziolinguistikoa. 2006 - Euskara - Euskadi.net

IVInkesta(EAE)EUSK.qxd 3/7/08 16:26 Página 39
EUSKAL AUTONOMIA ERKIDEGOA
IV. INKESTA SOZIOLINGUISTIKOA
39
Euskara galdu dutenak, aldiz, honako ezaugarriak dituzte:
Ia hiru laurdenak (%72k) 50 urte baino gehiago ditu.
Ia erdiak (%47k) euskara eta gaztelania izan ditu lehen hizkuntza.
Ia inork ez ditu oinarrizko ikasketak euskaraz egin (%1ek D ereduan eta
%4k B ereduan) eta hirutik bi (%64) ez da inoiz eskolaz kanpo euskara
ikasten ahalegindu.
Euskaldun zaharrek lehen hizkuntza euskara izan dute eta gaur egun elebidunak
dira. Erdaldun zaharrek, aitzitik, lehen hizkuntza erdara izan dute eta erdaldun elebakarrak
izaten jarraitzen dute.
Bi multzo horiek oso bestelakoak izan arren, antzeko bilakaera erakutsi dute adinaren
arabera. Izan ere, 50 urtetik gorakoen eta beherakoen arteko bereizketa
argia da bietan.
Euskaldun zaharren eta erdaldun zaharren ehunekorik handienak 50 urtetik gorakoen
artean daude (%17tik gora dira euskaldun zaharrak eta %60tik gora erdaldun
zaharrak)
50 urtetik behera erdaldun zaharren proportzioa asko jaisten da. Gainera, zenbat
eta gazteago, orduan eta txikiagoa erdaldun zaharren ehunekoa (25 eta 34 urtekoen
artean %36,5, eta 16 eta 24 urtekoen artean %17,6).
Euskaldun zaharren proportzioak ere behera egiten du 50 urte baino gutxiago
dituztenen artean (35 eta 49 urtekoen artean %14,9 eta 25 eta 34 urtekoen artean
%13,6). Baina 25 urte baino gutxiago dituzten gazteen artean joera-aldaketa gertatu
da eta euskaldun zaharren proportzioa gora egiten hasi da (%16).
Halere, euskaldun berriekin batera, adinak behera egin ahala hazkunde handia
izan duen multzoa jatorrizko elebidunena izan da. Jatorrizko elebidunek euskara
eta gaztelania izan dute lehen hizkuntza eta gaur egun ondo hitz egiten dute euskaraz.
35 urte baino gehiago dituztenen artean jatorrizko elebidunen proportzioa
%3 baino txikiagoa da. 35 urtetik behera, aldiz, ehunekoa bikoiztu (25 eta 34 urtekoen
artean %7,2) eta hirukoiztu ere (16 eta 24 urtekoen artean %9,2) egin da.