IV. Inkesta Soziolinguistikoa. 2006 - Euskara - Euskadi.net

IVInkesta(NAF)Eusk.qxd 3/7/08 16:28 Página 175
N A F A R R O A
IV. INKESTA SOZIOLINGUISTIKOA
175
11. taula. Elebidunen euskararen erabilera adinaren arabera. Nafarroa, 2006 (%)
Adin-taldeak
Euskararen erabilera >=65 50-64 35-49 25-34 16-24
Euskara gaztelania
baino gehiago 52,9 35,8 26,7 19,0 16,1
Euskara gaztelania beste 13,3 18,0 25,6 21,7 18,8
Euskara gaztelania
baino gutxiago 20,5 29,8 32,0 40,6 39,6
Gaztelania bakarrik 13,3 16,3 15,7 18,7 25,5
Iturria: IV. Inkesta Soziolinguistikoa. Hizkuntza Politikarako Sailburuordetza. Eusko Jaurlaritza, 2006.
Azken 15 urteotako bilakaeran badira zenbait joera. 1991ko datuei begiratuz gero,
nagusiki euskara erabiltzen zuten elebidunen proportzioa gaur egungoa baino
handiagoa zen (%38,7 vs %28,8) duela hamabost urte, eta handiagoa, era berean,
euskara gaztelania beste erabiltzen zutenena (%23,3 vs %20,1). Hortaz, txikiagoa
zen euskaraz gaztelaniaz baino gutxiago egiten zutenen portzentajea
(%27,9 vs%33,2) eta baita gaztelaniaz bakarrik egiten zutenena ere (%10,1 vs
%16,4). 1991tik 1996ra erabilera bere horretan mantendu zen gutxi gorabehera.
Azken bost urteotan, ordea, behera egin du euskara nagusiki erabiltzen duten elebidunen
proportzioak (%40,9 vs %28,8) eta gora euskaraz gaztelaniaz beste
(%16,4 vs %20,1) edo gutxiago (%27,3 vs %33,2) hitz egiten dutenenak.
Bilakaera adinaren arabera aztertuz gero, esan daiteke gaur egun euskara gaztelania
baino gehiago erabiltzen dutenen proportzioa 1991n baino txikiagoa dela 65
urtetik beherakoen artean.
Euskara gaztelania beste erabiltzen duten elebidunen ehunekoa, aldiz, 1991koaren
oso antzekoa da 50 urte baino gutxiago dituztenen artean, baina txikiagoa
adin horretatik gorakoen artean.