IV. Inkesta Soziolinguistikoa. 2006 - Euskara - Euskadi.net

IVInkesta(NAF)Eusk.qxd 3/7/08 16:28 Página 165
N A F A R R O A
IV. INKESTA SOZIOLINGUISTIKOA
165
Azken 15 urteotako bilakaera aztertuz gero, euskararen erabilera ez da ia aldatu
ehunekoan. 1991n, Nafarroako biztanleen %5,9k erabiltzen zuten euskara gaztelania
beste (%2,2) edo gehiago (%3,7). Hamar urte beranduago, 2001ean, %5,8
ziren euskara gaztelania beste (%1,6) edo gehiago (%4,2) erabiltzen zutenak.
2006an %5,6k erabiltzen dute euskara gaztelania beste (%2,4) edo gehiago
(%3,2).
Aldi berean, multzorik handiena alde handiz gaztelania hutsean mintzatzen direnen
ehunekoa izateaz gain, ez du ia aldaketarik izan. Ikus ditzagun datuak: %90,9
mintzatzen ziren gaztelaniaz soilik 1991n, %89,9 bost urte geroago eta 2006an,
esan bezala, %90,3.
20. irudia. Euskararen erabileraren bilakaera. Nafarroa, 1991-2006 (%)
100
80
60
40
20
0
1991 2006
Euskararen erabilera
Euskara gaztelania baino gehiago
Euskara gaztelania beste
Euskara gaztelania baino gutxiago
Gaztelania bakarrik
Iturria: IV. Inkesta Soziolinguistikoa. Hizkuntza Politikarako Sailburuordetza. Eusko Jaurlaritza, 2006.
Dena dela, erabilerari buruzko emaitzetan alde handiak daude eremu euskaldunaren,
mistoaren eta ez euskaldunaren artean. Izan ere, euskara gaztelania beste
edo gehiago erabiltzen dutenak %46,5 dira eremu euskaldunean, %1,8 eremu
mistoan eta %0,3 eremu ez euskaldunean. Horiekin batera, euskara gaztelania
baino gutxiago erabiltzen dutenena talde esanguratsua da, batez ere eremu euskaldunean
eta eremu mistoan: %10,5 eta %4,7 hurrenez hurren. Txikiagoa da,
ordea, (%1,4) eremu ez euskaldunean.