IV. Inkesta Soziolinguistikoa. 2006 - Euskara - Euskadi.net

IVInkesta(EAE)EUSK.qxd 3/7/08 16:26 Página 38
38
EUSKAL AUTONOMIA ERKIDEGOA
IV. INKESTA SOZIOLINGUISTIKOA
Euskara irabazi dutenen proportzioa, euskaldun berriena alegia, oso antzekoa da
hiru lurraldeetan: %10,2 Araban, %9,1 Bizkaian eta %10,3 Gipuzkoan.
Adinaren arabera, aldiz, alde esanguratsuak daude. Euskara irabazi dutenen ehunekoa
txikia da 50 urtetik gorakoen artean (%1,9 batez beste). Baina 50 urte baino
gutxiago dituztenen artean, euskaldun berrien ehunekoa bikoiztu egin da adin-
-talde batetik aurrekora (35 eta 49 urtekoen artean %8,3, 25 eta 34 urtekoen artean
%16,6 eta 16 eta 24 urtekoen artean %32,3).
16. irudia. Euskararen galerak eta irabaziak adinaren arabera. EAE, 2006 (%)
40
%
30
20
10
0
-10
-20
-30
-40
>=65 50-64 35-49 25-34 16-24
Adin-taldeak
Irabaziak
Galera partzialak
Galera osoak
Iturria: IV. Inkesta Soziolinguistikoa. Hizkuntza Politikarako Sailburuordetza. Eusko Jaurlaritza, 2006.
Euskara irabazi dutenen ezaugarri nagusiak honakoak dira:
Gehienak gazteak dira. Hirutik bik (%68k) 35 urte baino gutxiago dute.
Halere, euskara irabazi dutenen laurdena (%24) 35 eta 49 urte bitarteko
multzoan dago.
Erdiak (%48k) B edo D ereduan egin ditu oinarrizko ikasketak, eta ia beste
horrenbestek (%42k) eskolaz kanpo ikasi edo hobetu du euskara.
Gehienak (%78) errazago moldatzen dira gaztelaniaz euskaraz baino.