IV. Inkesta Soziolinguistikoa. 2006 - Euskara - Euskadi.net

IVInkesta(EAE)EUSK.qxd 3/7/08 16:26 Página 26
26
EUSKAL AUTONOMIA ERKIDEGOA
IV. INKESTA SOZIOLINGUISTIKOA
2.3. TALDEEN EZAUGARRIAK HIZKUNTZA-GAITASUNAREN
ARABERA
Hizkuntza-gaitasunaren tipologia osatzen duten hiru taldeetako bakoitzaren (elebidunen,
elebidun hartzaileen eta erdaldun elebakarren) ezaugarriak ikusiko ditugu
jarraian.
Elebidunen ezaugarriak honakoak dira:
EAEn jaio dira eta gurasoak bertakoak dituzte.
Erdiak baino gehiagok euskara du lehen hizkuntza eta herenak baino
gehiagok D ereduan egin ditu oinarrizko eta bigarren mailako ikasketak.
Bostenak, gainera, eskolatik kanpo ikasi edo hobetu du euskara.
Elebidunen erdiak baino gehiagok gurasoak, biak, elebidunak ditu.
Halere, bada talde handi bat (laurdena baino gehiago) guraso erdaldunak
dituena.
Euskararekiko interes handia dute eta euskara sustatzearen alde daude.
Elebidun hartzaileen ezaugarriak, aldiz, beste hauek dira:
Gehienek gaztelania dute lehen hizkuntza eta gaztelaniaz egin dituzte
oinarrizko eta bigarren mailako ikasketak.
Familia, lagunartea eta lan-giroa erdaldunak dituzte.
Gune erdaldunetan bizi dira.
Erdia euskara sustatzearen alde dago eta, oro har, ez dute euskararekiko
interes berezirik.
Azkenik, erdaldun elebakarrak honelakoak dira:
Herena baino gehiago EAEtik kanpo jaiotakoa da.
Ia denek gaztelania dute lehen hizkuntza edo euskara ez den besteren
bat.
Gune erdaldunetan bizi dira.
Hamarretik bat euskara ikasten ahalegindu da eskolatik kanpo.
Euskararekiko interes txikia dute, baina hamarretik lau euskara sustatzearen
alde daude.
Erdiak baino gehiagok 50 urte baino gehiago ditu.