IV. Inkesta Soziolinguistikoa. 2006 - Euskara - Euskadi.net

IVInkesta(NAF)Eusk.qxd 3/7/08 16:28 Página 191
N A F A R R O A
IV. INKESTA SOZIOLINGUISTIKOA
191
Euskarari buruz dauden aurreiritzi batzuek gure gizartean
zenbateraino dauden erroturik ezagutu nahian,
inkestatuei iritzia eskatu zaie. Laburbilduz, emaitzak
honakoak dira:
Nafarroako 16 urtetik gorako biztanleen artean
asko dira (%26) euskarak inoiz gaztelaniak
duen indarra izango duela uste dutenak.
Gehienek (%53), berriz, kontrakoa uste dute,
hau da, euskarak ez duela inoiz gaztelaniak
duen indarra izango.
Nafarroako biztanle gehienek uste
dute gizartean bi hizkuntza
izateak ez duela arazorik sortzen
Hizkuntzaren aberastasunari dagokionez, ia erdiek (%43) uste dute euskara
gaztelania bezain aberatsa dela, eta gutxi dira (%15) kontrakoa uste
dutenak.
Gizartean bi hizkuntza egoteak ez du arazorik sortzen biztanleen %64rentzat
eta arazo iturri izan daiteke %24rentzat.
Azkenik, biztanle gehienek (%66) uste dute ez dela txarra gaztelania ondo
menperatu ez arren, haur txikiei eskolan euskara irakastea.
Euskarari buruzko iritzi gehienetan ez dago alde esanguratsurik adinaren edo elebitasun-motaren
arabera. Alderik nabarmenenak eremuaren araberakoak dira.
Oro har, eremu euskaldun eta mistokoen iritzia ez euskaldunekoa baino positiboagoa
da euskararen aberastasunari edo inoiz gaztelaniak duen indarra izateko
aukerari dagokionez, baina oso antzekoa umeak eskaraz eskolatzeari edo bi hizkuntza
egoteak gizartean arazorik ez sortzeari dagokionez.
Euskarari buruzko bestelako iritzi batzuekin jarraituz, Nafarroako 16 urtetik gorako
biztanleen %31k seme-alabek eskolak euskaraz (gaztelania ikasgai gisa) ikas
ditzaten nahi dute, %23k euskaraz eta gaztelaniaz eta %17k gaztelaniaz (euskara
ikasgai gisa).