Grammatica del sardo-campidanese - Comitau.org

ESERCIZIO
Riconoscere gli aggettivi e pronomi indefiniti della poesia seguente:
SA DI' ‘E SA FESTA
Una bandera in d- onnya fentana,
d- onnya porta parit un’artari,
e parit una barca in mesu mari
candu tìrat su ‘entu 'e tramuntana
d- onnya ‘omu: e velas funt is mantas.
mantas de seda, mantas de brocau
ki manus bonas ant arricamau
a coloris ki tui ti ndi spantas.
E froris grogus, frori de scraria,
lillus de monti, arrosas centu follas
in d- onnya logu, finsas 'e in is lollas
e in mesu a is perdas de sa ‘ia.
Ma candu pàssat in prucissioni
sa Santa bella anant ' 'i ‘omu nosta
in sa fentana nemus d’at posta
sa mant' 'e seda, e manc’un’apiconi
De froris: nc’esti sceti, spistorau,
unu mìseru testu ‘e mairana,
cuddu testu ki candu fusti sana
tui una di' in beranu ias prantau.
No nci at àturu. Sorri, cant’est trista
custa ‘omu serrada, sentz' 'e tui.
est comenti 'e ki biast una nui
annendu in mesu celu pista pista.
Mama, miskina, in s’aposent' 'e susu
prègat ingenugada sola sola:
mi parit una mata sentz' 'e folla,
nimancu gana ‘e prangi tenit prusu.
Ma ita ti sutzedit? Ses obreri,
finsas! acabamidda ‘e lambrigai!
fortza, piçocu, andeus a baddai
in sa pratzita a ballu furisteri.
(Benvenuto Lobina, Terra, disisperada terra, 1974)
43