Ons Erfenis - Die Gereformeerde Kerke in Suid-Afrika

nie.” Omdat Christus gesterf het, is
God se testament van krag.
Die nageslag van Abraham is God se
erfgename. Jy is Abraham se kind nie
wanneer jy die geslagslyn van jou af
tot by hom kan terugvoer nie, maar
wanneer jy in Jesus Christus glo. Galasiërs
3:7 en 9: “Julle sien dus dat
dié wat glo, kinders van Abraham is
… Dit is dus dié wat glo, wat saam
met die gelowige Abraham geseën
word.” Galasiërs 3:22 en 29: “Die
belofte word ... vir die gelowiges vervul
alleen op grond van die geloof in
Jesus Christus ... As julle aan Christus
behoort, is julle ook nakomelinge van
Abraham en erfgename kragtens die
belofte van God.” Wanneer jy in Jesus
glo, dan is sy testament ook op jóú
van krag!
Hieruit volg dat in die Nuwe Testament
nie net die vleeslike nageslag
van Abraham – dit wil sê die Jode –
God se erfgename is nie. Nou, na
die dood en opstanding van Jesus
Christus, trek God die grense van sy
volk wyer as die Jode. Hy vergader
vir Hom kinders uit alle volke, tale
en nasies. Deur ’n ware geloof in Jesus
Christus word die grense van wie
erfgename in God se testament is,
uitgebrei na: wie in Christus glo, is ’n
erfgenaam.
• Romeine 8:17: “Ons is erfgename
van God, erfgename
saam met Christus.”
• Galasiërs 3:26: “Deur ... geloof
in Christus Jesus is julle nou
almal kinders van God.”
Ook mense wat voorheen heidene
was en wat tot geloof in Jesus Christus
kom, is saam met Hom erfgename
van God.
• Efesiërs 3:6: “En dít is die geheimenis:
deur die verkondiging van
die evangelie en in hulle
Skrifstudie
verbondenheid met Christus Jesus, word ook mense wat nie Jode is
nie, saam met ons deel van die volk van God en lede van die liggaam
van Christus, en kry hulle ook saam met ons deel aan wat God belowe
het.”
Koninkryk
Die Here maak nie alleen aan ons bekend wie erf nie, maar ook wat ons by
Hom erf. Waar die Here in die Ou Testament die land Kanaän as erfdeel aan
sy kinders belowe, gee Hy in die Nuwe Testament die Koninkryk van God
aan hulle. Israel was – vanweë hulle ongehoorsaamheid – dit nie werd om
die Koninkryk te ontvang nie. Die goddelose ontvang nie die Koninkryk van
God nie.
• 1 Korintiërs 6:9-10: “Of weet julle nie dat mense wat onreg doen, geen
deel sal kry aan die koninkryk van God nie? Moenie julleself mislei nie:
geen onsedelikes of afgodsdienaars of egbrekers of mense wat homoseksualiteit
beoefen of diewe of geldgieriges of dronkaards of kwaadpraters
of bedrieërs sal deel kry aan die koninkryk van God nie.”
• Galasiërs 5:21: “Wie hom aan sulke dinge (naamlik die praktyke van
die sondige natuur) skuldig maak, sal nie die koninkryk van God as
erfenis verkry nie.”
Die Here neem sy Koninkryk van sulke mense af weg en gee dit aan húlle
wat hulle geloof met dade uitleef.
• Matteus 21:43: “Daarom sê Ek vir julle dat die koninkryk van God van
julle weggeneem sal word en aan ’n volk gegee sal word wat die vrugte
daarvan sal lewer.”
• Matteus 25:34: “Die koninkryk is van die skepping van die wêreld af vir
julle voorberei. Neem dit as erfenis in besit.”
Tot met die wederkoms van Christus word hierdie erfenis vir ons veilig in die
hemel bewaar. En ons wat waarlik glo, word ook bewaar om dit in besit te
neem.
• 1 Petrus 1:3-5: “Nou het ons ’n lewende hoop op die onverganklike,
onbesmette en onverwelklike erfenis wat in die hemel ook vir julle in
bewaring gehou word. En omdat julle glo, word ook julle deur die krag
van God veilig bewaar vir die saligheid wat reeds gereed is om aan die
einde van die tyd geopenbaar te word.”
Die ware gelowige erf die nuwe hemel en die nuwe aarde, die nuwe Jerusalem,
die ewige lewe van onbeskryflike heerlikheid (Tit 3:7; Openb 21:1-2).
Niemand kan kies dat sy naam in ‘n testament staan nie – ook nie in God se
testament nie. Nee, Hý kies jóú. Hý skryf jou naam in sý testament. Hy
verkies jou uit om by Hom te erf. Jy kan nie werk vir jou erfenis nie. Jy
verdien dit – soos enige erfenis – nié. Jy kry dit uit genade (Ef 1:4-5; 2:1-
10). •
• Die Kerkblad September 2006 • 17