Ons Erfenis - Die Gereformeerde Kerke in Suid-Afrika

•Van Oraloor •
De Aar neem afskeid van die
Malans
Die eerste Sondag in Mei
het die Doppers van De
Aar afskeid geneem van
ds. Jan en Helena Malan, wat ‘n
beroep na Oudtshoorn aanvaar het
en die laaste Sondag in Junie daar
bevestig is.
Ds. Malan, wat in sy 26ste
bedieningsjaar is, was vir 23 jaar
lank (1983-2006) predikant op De
Aar. Voorheen was hy predikant te
Aliwal-Noord. Tydens sy bedieningstyd
in De Aar het hy verskeie
beroepe elders heen ontvang,
onder meer na Potchefstroom-Oos,
maar het telkens besluit om sy
werk op De Aar voort te sit.
Helena Malan was ’n bekende
in onderwyskringe. Sy het lank by
die Kleurlingskool Veritas onderwys
gegee en soms ook by De Aar
Hoërskool aflosdiens verrig. Verder
was sy betrokke by die opleiding
van onderwysers, het sy opgetree
as eksaminator en van tyd tot tyd
ook spesiale klasse in Engels
aangebied.
Hulle is hartseer om De Aar te
verlaat, waar hulle onder meer al
vier hulle seuns grootgemaak het,
het ds. Malan by die afskeid gesê,
maar hy sien die ampsaanvaarding
te Oudtshoorn as ’n goddelike
roeping en ’n geleentheid om met
vrug elders in die koninkryk van die
Here te arbei.
In sy afskeidspreek, toe hy vir
die laaste keer nagmaal aan die
gemeente bedien het, het ds.
Malan, met verwysing na die
algemene verskynsel van afnemende
getalle in kerklidmate, daarop
gewys dat die kerk van die Here nie
soseer op getalle gebou is nie,
maar wel op die belydenis dat
Jesus die Seun van die Lewende
God is. Met Matteus 16 as
kernhoofstuk, het ds. Malan dit
gehad oor die toekomsverwagting
en opdrag aan die kerk. Hy het ook
daarop gewys dat swaarkry en
44 • Die Kerkblad September 2006 •
Agter Agter vlnr: vlnr: L LLukas,
L ukas, ds. ds. Jan, Jan, Marnus, Marnus, Alwyn Alwyn en en en Erik. Erik. V VVoor:
V oor: Helena Helena (Krummel)
(Krummel)
en en Marie Marie (Alwyn (Alwyn (Alwyn se se vrou). vrou).
vrou).
vervolging nie die kerk doodmaak nie, maar dat prediking gegrond op
volksfondament of ’n sosiale fondament wel die dood van die kerk kan
beteken.
Die Woord van God is soms ’n harde woord, wat sal maak dat mense
die kerk verlaat, soos wat hulle in Jesus se tyd ook weggeloop het van sy
prediking af. As fondamente van die kerk geskuif moet word om aan
mense se verwagtinge te voldoen, is dit ontrouheid aan die Woord. Die
Here moet gehoorsaam word en nie die begeertes van mense nie.
In ’n waarderingswoord is gewag gemaak van die suiwer, onvervalste
Woordbediening van ds. Malan, en dat “Só spreek die Here” elke Sondag
duidelik, in verstaanbare taal en sonder ingewikkelde wetenskaplike
verklarings van die kansel af gehoor is. Hy het nooit toegegee aan
verwagtinge of tendense om “populêr” te preek, om Woordbediening by
die feilbare behoeftes, grille en giere van mense aan te pas nie.
(Meegedeel deur prof. Piet van der Schyff)
Die De Aar-gemeente het in 1923 afgestig van die Geref. Kerk
Philipstown en het in 1934 sy eerste predikant gekry in die persoon van
prop. WJ van der Merwe. In 1944 het prop. (latere prof.) SCW Duvenage
sy ampsbediening hier begin en vanaf 1946 tot 1970 was ds. Martinus
Postma herder en leraar van die gemeente. Hierna het di. JJ de Klerk, MF
van der Walt en V Combrink agtereenvolgens elk ongeveer vier jaar
gedien voordat ds. Malan in 1983 diens aanvaar het.