Ons Erfenis - Die Gereformeerde Kerke in Suid-Afrika

More documents

Recommendations

Info

Resensie-artikel BibleWorks • ’n Voortreflike Bybelprogram vir die teoloog • Daar is vandag veral twee groot Bybelprogramme wat baie deur predikante gebruik word: BibleWorks en Libronix. In hierdie artikel wil ek BibleWorks aan u bekendstel. Die spreekwoord lui: Onbekend maak onbemind. Ek is seker dat die omgekeerde ook waar is in hierdie geval: dat bekendheid met BibleWorks die program by u besonder bemind sal maak. Oogmerke: kragtigheid, eenvoud en spoed In hulle brosjure sê die programmeerders wat hulle oogmerke met die program was: kragtigheid, eenvoud en spoed. Daarin het hulle uitmuntend geslaag. ’n Reeds buitengewoon goeie program is nog kragtiger en nog meer gebruikersvriendelik gemaak. Boonop het dit, ondanks vele nuwighede, weinig ingeboet aan spoed. Selfs op my verouderde rekenaar werk hy soos blits. Tydbesparing en noukeurigheid Skrifverklaring en preek maak bly ’n moeisame en tydsame proses van nadink oor die betekenis van verskillende woorde en Skrif-met-Skrif-vergelyking. Weliswaar kan die rekenaar en Bibleworks u nie in alles help nie. Tog kan hierdie program u besonder goed help om tekste en woordbetekenisse vinniger op te kyk. Dit gee u meer tyd om oor die teks en u preek na te dink. Die rekenaar en Bibleworks is ook van groot waarde wanneer dit kom by die deeglikheid en noukeurigheid waarmee u woorde, woordbetekenisse en tekste kan opsoek. Oorspronklike tekste Die basispakket van BibleWorks ($349) bevat al die belangrikste grondtekste van die Bybel: die BHS Hebreeuse Ou Testament, die Nestle-Aland (27ste uitgawe) en die UBS (4de edisie) Griekse Nuwe Testament en die Textus Receptus. Verder is daar ook ander belangrike tekste soos die Septuagint (Rahlfs), die Siriese vertaling van die Nuwe Testament (Peshitta) en die Aramese parafrases van die Ou Testament (Targums), wat van die grootste belang is vir teoloë en die waarde van BibleWorks verhoog. Al hierdie tekste is gemerk (tagged) en verbind aan die Hebreeuse, Griekse en Aramese Woordeboeke in BibleWorks. Dit beteken: As u met u muispyl op sê maar die Hebreeuse woord vir “skuil” in Psalm 2:12 gaan staan, verskyn die hele morfologie van die woord in ’n wenkvenster voor u. In die regterkantse venster verskyn die woordeboeke en dit is presies op die regte plek: by “skuil” 40 • Die Kerkblad September 2006 • en boonop by die verwysing na Psalm 2:12 in die woordeboek. Woordeboeke In die basispakket ingesluit kry u die Griekse woordeboeke van Louw-Nida, Friberg, Thayer, Barclay-Newman, en Liddell-Scott (verkort) en nou ook die woordeboek van Gingrich en Danker en die woordeboek van Lust op die Septuagint. Vir die Hebreeus en Aramees het Bible- Works die Brown-Driver-Briggs-woordeboek, die Theological Wordbook of the Old Testament en – nuut in BW 7 – Holladay. Vir die meeste studente en predikante is hierdie Hebreeuse en Griekse woordeboeke alreeds meer as genoeg. Die volgende is nie deel van die basispakket nie en moet apart aangekoop word: die baie belangrike Griekse woordeboek van Bauer-Danker en die standaard Hebreeus-Aramese woordeboek van Koehler-Baumgartner. Eersgenoemde is $125 en laasgenoemde $159. As die twee saam gekoop word, kry u dit teen die spesiale prys van $197. Ook die verkorting van die Theological Dictionary of the NT is beskikbaar ($59). Grammatika’s Die basispakket bevat die beroemde werk van Gesenius, die Bavinck van die Hebreeuse grammatika. Studente en dominees hoef nie meer in die teksindeks van Gesenius rond te blaai om te sien of daar iets staan oor Genesis 1:1 nie. As u op die Hebreeuse woorde “in die begin” gaan staan, verskyn oombliklik in die regterkantse venster nege skakels na plekke waar Gesenius iets skryf oor Genesis 1:1. Verder kry u Futato se Hebreeuse grammatika vir beginners. ’n Beroemde rabbi het eenmaal gesê: Om die Ou Testament in vertaling te lees, is soos om ’n bruid deur ’n sluier heen te soen – Futato se grammatika sal u help om die sluier op te lig en die Ou Testament in die oorspronklike Hebreeus te lees! Daar is selfs ’n grammatika van die Aramees van die Targums ($19.95). Onder die Griekse grammatika’s in die basispakket tel die Greek Enchiridion van William G MacDonald, ’n handboek van die Griekse grammatika en sintaksis. Daar is selfs ’n grammatika van die Grieks van die Septuagint. U kan die volgende bykoop: die moderne standaard Hebreeuse sintaksis van Waltke en O’Conner ($43), die meer gevorderde Hebreeuse grammatika van Futato ($25), die Griekse grammatika van
DB Wallace ($25) en nou ook standaard Griekse grammatika van Blass, De Brunner en Funk ($55). ’n Menigte Bybelvertalings BibleWorks bevat al die belangrikste Engelse vertalings. Dit sluit onder andere die KJV, die English Standard Version en die NASB in. Ook die Holman Christian Standard Bible (2004) en die NetBible is nou deel van BibleWorks. Daar is ses Nederlandse vertalings (Leidse Vertaling, Lutherse Vertaling, die vertaling van die NBG en die Statenvertaling en die Willibrord) en Luther se vertaling van 1545. Een van die baie nuwighede in Bibleworks 7 is dat dit nou ook die Afrikaanse 1953-vertaling het. Naslaanwerke en satellietkaarte Al die werke van Flavius Josephus, Philo en die Apostoliese Vaders is op BibleWorks. Die basispakket bevat verder die volgende: International Standard Bible Encyclopedia, Faussett Bible Dictionary, Synopsis of the Gospels, AT Robertson’s Word Pictures in the Greek NT, Metzger’s Bible Outline, Treasury of Scripture Knowledge, Easton’s Bible Dictionary, Nave’s Topical Index, Bible Timelines, Matthew Henry’s Commentary. U kan ook die tekste van Qumran koop vir $80. Dit sluit nie die Bybelrolle van Qumran in nie. Die basispakket bevat die mooiste satellietkaarte van Israel. Baie en kragtige funksies BibleWorks se soekfunksies is baie kragtiger as dié van die gratis Bybelprogramme. Dit is ongelooflik wat hierdie program alles kan doen. Jy kan enkele woorde opsoek, maar ook verskillende kombinasies van woorde en frases. Dit is eintlik onmoontlik om alles in ’n artikel soos hierdie te verduidelik en te vertel. Bybelvertalings en die oorspronklike tekste kan langs en onder mekaar geplaas word en met mekaar vergelyk word. ’n Ander nuwe interessante en leersame funksie van Bibleworks is die moontlikheid om die Hebreeuse en die Griekse teks van die Ou Testament met mekaar te vergelyk en om te sien met watter Griekse woord of woorde ’n Hebreeuse woord vertaal word. Bibleworks 7 het ’n nuwe funksie by: die Key Word in Context (KWIC) / Collation Table Module. Dit wil u help om te sien in watter konteks ’n woord gebruik word, om u so te help om die betekenis van die woord beter te begryp. ’n Besonder goeie en maklike Help Die pakket sluit ook video’s in, wat u stap vir stap leer hoe om die program te bemeester. Met so ’n Help Resensie-artikel hoef u nie ’n kursus te gaan bywoon om die program onder die knie te kry nie. U kan rustig in u studeerkamer op u rekenaar luister en kyk na die moontlikhede van die program. ’n Vergelyking met Libronix BibleWorks is aansienlik goedkoper as Libronix. Die Help van BibleWorks is sommer baie beter. Verder is Libronix baie stadig. Net om u ’n idee te gee: om die Naam Jahwe in Libronix op te soek, neem meer as 20 sekondes – en dan sien u ook maar net die eerste 100 van die ongeveer 6 000 voorbeelde. Om die volgende 100 te sien, vat net so lank. Daarenteen neem dit Bible- Works 0,38 sekondes om al die resultate te toon en u blaai met die grootste gemak en spoed deur al die voorbeelde. Waarom so min kommentare? Dit is waar dat Libronix wat kommentare betref Bible- Works ver oortref. BibleWorks het egter doelbewus besluit om nie op hierdie mark in te gaan nie, en hulle soos volg daaroor verantwoord: “Ons wil ons kliënte ontmoedig om ’n groot klomp eksterne modules (kommentare, ens. – AHB) aan te koop. In die lig van die afwesigheid van publikasiestandaarde is sulke aankope op die heel beste riskant. Ons weet nie van iemand wat beplan om ’n groot elektroniese biblioteek aan hulle kinders na te laat nie en tog is die pryse van elektroniese boeke gelykstaande aan en hoër as gedrukte boeke. Ons wil kliënte daarom maan om versigtig te wees en om eerder hulle boekfondse te gebruik vir gedrukte werke. Ons besef egter dat daar sekere gereedskap is wat eksegete op ’n daaglikse basis gebruik en dat dit nuttig is as dit in elektroniese formaat is.” Ek moet wel sê dat die feit dat Libronix al die kommentare van Calvyn en Luther bevat, vir my ondersoek van Calvyn en Luther besonder kosbaar en belangrik is. U kan egter van Luther se werke en al die kommentare van Calvyn op ander plekke gratis kry en ook Keil en Delitzsch. Wie meer wil weet As u meer van die program wil weet, kan u my kontak of na die webadres van Bibleworks gaan. Dit is http:// www.bibleworks.com/ Waar u Bibleworks in Suid-Afrika kan kry Augustine Bookroom in Pretoria het die program bestel. Hulle e-posadres is augustinebookroom@telkomsa.net en telefoonnommer is 012 993 4606. Die basispakket sal ongeveer R2 500 kos. • • Die Kerkblad September 2006 • 41
Page 3 and 4: inhoud inhoud 2 UIT DIE WOORD Ja, m
Page 5 and 6: nie. Hy het Levi se geweldsbegin ve
Page 7 and 8: Hoofartikel Oorlog in die Midde- Oo
Page 9 and 10: Prof rof rof. rof . JM JM JM (K (Ko
Page 11 and 12: Die redakteur gesels met ... Prof.
Page 13 and 14: My bedieningsveld het ook nog die g
Page 15 and 16: waarin Satan meen dat hy regeer, mo
Page 17 and 18: nie.” Omdat Christus gesterf het,
Page 19 and 20: Daar is net één bron en één maa
Page 21 and 22: hul beurt van Christus self ontvang
Page 23 and 24: Prof rof rof. rof . JA JA (K (Koos)
Page 25 and 26: Dr Dr. Dr . F F (F (Frans) (F (Fran
Page 27 and 28: Dr Dr. Dr . SJ SJ (K (Kobus) (K obu
Page 29 and 30: Dr Dr. Dr . PW PW PW (Pieter) (Piet
Page 31 and 32: Gereserveerde deelname Tog moet ons
Page 33 and 34: Die onverdraagsaamheid van verdraag
Page 35 and 36: Herman Herman T TToerien T Toerien
Page 37 and 38: Prof rof rof. rof . JPL JPL (Jakkal
Page 39: Dr Dr. Dr . PW PW PW (Pieter) (Piet
Page 43 and 44: Op 27 Junie 1931 is Johannes Petrus
Page 45 and 46: Psalmfees in Pretoria Vir die afgel
Page 47 and 48: Ds. Ben Fourie (Voorsitter: Nasiona
Page 49 and 50: Die Die gebou gebou waaraan waaraan
Page 51 and 52: BEROEPE Ontvang • Ds. JA Erasmus
Page 53 and 54: DOODSBERIGTE Marthina Cornelia Bree
Page 55 and 56: oetes, gesellige kaggelvuur. R120 p
Page 57 and 58: NOORDKAAP KURUMAN: DE DUINE LODGE.

Ons Erfenis - Die Gereformeerde Kerke in Suid-Afrika

You also want an ePaper? Increase the reach of your titles

Delete template?

Save as template?