Ons Erfenis - Die Gereformeerde Kerke in Suid-Afrika

Dr Dr. Dr . SJ SJ (K (Kobus) (K obus) van van der der der W WWalt
W alt (Bloemfontein-Suid)
(Bloemfontein-Suid)
(Bloemfontein-Suid)
Tema: Ons erfenis
Morele waardes vir gesin
In morele waardes erken ons as
Christene dit wat vir ons gewig,
inhoud, gesag en rykdom het, en
daarom is dit vir ons waardevol om
ons lewe daarvolgens te rig.
Die oorsprong van morele waardes
is egter nie in die mens, die tradisie
of die geskiedenis nie, maar in die
Bybel as die Woord van God. Daarom
is die erfenis van morele waardes
vanuit vroeëre geslagte ook vir vandag
dieselfde, want die inhoud van
die Woord is altyd vars en blywend.
Vas en verskillend
God is die oorsprong en doel van elke
Christengelowige. As God se eiendom
leef ons voortdurend onder die
heerskappy van God en is ons geroep
tot gehoorsaamheid aan die wil van
God soos geopenbaar in sy Woord.
In alle omstandighede behoort ons
te dink, te sê en te doen wat goed
en reg in die oë van die Here is.
Ons lewe egter nie in ’n lugleegte nie,
maar in die wêreld wat van geslag
tot geslag ten opsigte van eise en
omstandighede kan verskil. Ons morele
roeping is altyd om deurgaans
die vaste waarhede en riglyne van
God se wil in veranderde lewensituasies
toe te pas en uit te leef.
Dit is nie altyd maklik nie, omdat die
openbaring van God se wil in die
Bybel nie soos ’n volledige, saamgestelde
indeks is wat jy maar net vir
elke geval in alle tye kan oopmaak
nie. Nee, dit kom deur gebed en
Skrifstudie met onderrig, oefening en
en samelewing
ervaring om:
Ons erfenis:
Tussen goed en kwaad te onderskei (Heb 5:14)
Die dinge te onderskei waar dit werklik op aankom (Rom 2:18;Fil 1:10)
Te kan onderskei wat die wil van God is, wat vir Hom goed en aanneemlik
en volmaak is (Rom 12:2)
Liefde in volkleur-gestaltes
Die gesinslewe is ryk in variasie en die samelewing is soos ’n lappieskomberslandskap
met wye horisonne. Iets anders – in plaas daarvan om ’n verskeidenheid
fasette van die gesin en samelewing in morele konteks te bespreek,
word die liefde as die hoogste maatstaf vir die etiese in sy volkleur morele
gestaltes beskrywe.
Mag dit ’n bruikbare raamwerk van morele waardes wees wat in die gesinslewe
ingedra en ingebou sal word, en wat eweneens as rigsnoer in die
samelewing uitgeleef en uitgebou behoort te word.
Mag dit die kompas vir elke pa en ma wees. Leer dit vir elke kind en getuig
daarvan teenoor die samelewing.
Die liefdesgebod staan sentraal in die geopenbaarde wil van God. Die liefde
is die samevatting en uitvoering van die wet (Matt 22:37-40; Rom 13:8-
10; Gal 5:14). Die liefdesgebod as liefde tot God en liefde vir jou medemens
word vervolgens in morele norme en waardes nader ontvou.
Ek leef my liefde vir God deur voor Hom as Koning te buig en altyd na sy wil
te vra, want ek behoort aan Hom (Rom14:8). Dit doen ek deur:
alles wat ek doen, tot eer van God te doen (1 Kor 10:31);
alles wat ek doen, van harte vir die Here te doen en nie vir mense nie
(Kol 3:23);
alles wat ek doen en sê, só te doen asof ek dit namens Jesus doen (Kol
3:17);
voortdurend te vra of my optrede, gesindheid en keuses vir die Here
aanneemlik is (Ef 5:10);
niks te doen waarvoor ek my voor sy aangesig sal hoef te skaam nie (Fil
1:20);
nie die geringste begeerte of gedagte teen enige gebod van God in my
hart te verdra nie, maar om altyd en heelhartig van alle sonde ’n vyand
te wees en die gehoorsaamheid aan God te begeer (tiende gebod);
sy skeppingswerk (die natuur, my omgewing) as sy handewerk en gawe
• Die Kerkblad September 2006 • 27