Ons Erfenis - Die Gereformeerde Kerke in Suid-Afrika

Tema: Ons Erfenis
aan die mens met beheersing te waardeer en te benut (Ps 8; Ps 24:1-2;
Jes 45:18).
Ek leef my liefde vir my medemens deur teenoor hom so op te tree soos ek
wil hê dat hy teenoor my moet optree (Matt 7:12). Dit doen ek deur lief te
hê soos Jesus liefgehad het (Joh 15:12).
Sy liefde was opofferend. Hy het ons eerste liefgehad toe ons gehaat het
(Rom 5:8).
Sy liefde was selfverloënend. Hy was bereid om sy lewe vir sy vriende te
gee (Joh 15:13).
Sy liefde was ’n liefde vir sy vyande. Aan die kruis het hy vir sy vyande
gebid (Luk 23:34).
Sy liefde was ’n dienende liefde. Hy was bereid om die minste te wees
en het sy dissipels se voete gewas (Joh 13:4, 5).
Sy liefde was ’n oorvloedige liefde. Hy het nie net die minste gedoen nie,
maar Hy het alles gegee – sy lewe!
Dit doen ek deur die liefde van 1 Korintiërs 13 na te jaag. Dit:
- is geduldig
- is vriendelik
- is nie jaloers nie
- is nie grootpraterig nie
- is nie verwaand nie
- handel nie onwelvoeglik nie
- soek nie sy eie belang nie
- is nie liggeraak nie
- hou nie boek van die kwaad nie
- verbly hom nie oor onreg nie
- verheug hom oor die waarheid
Dit doen deur niks uit selfsug of eersug te doen nie, maar in nederigheid my
medemens hoër as ekself te ag deur nie net aan my eie belange te dink nie,
maar ook aan dié van my medemens (Fil 2:3, 4).
Dit doen ek deur te besef dat ek in my verhouding met my medemens nie
self moet struikel nie en ook nie ’n oorsaak van struikeling moet wees nie
(Matt 18:6-9). Wetende dat nie alle optrede en omstandighede heilsaam
en goed is nie, soek ek in my saamwees met my naaste na dit wat nuttig,
opbouend en nie-verslawend is (1 Kor 6:12; 10:23; Tit 3:8).
Dit doen ek deur my daarop toe te lê om mense in nood te help, in vrede
met alle mense te lewe, nooit self wraak te neem nie en om nie kwaad met
kwaad terug te betaal nie, maar om die kwaad deur goed te doen, te oorwin
(Rom 12:9-21).
Dit doen ek deur eerbied en respek te hê vir almal wat gesag uitoefen. Ek
28 • Die Kerkblad September 2006 •
besef dat hulle instrumente van God
is en daarom onderwerp ek my aan
hulle goeie leiding met
gehoorsaamheid en ondersteuning
(vyfde gebod).
Dit doen ek deur my respek vir my
medemens se lewe. Daarom wil ek
lewe beskerm en wil ek niks doen in
woorde, optrede en gesindheid wat
my naaste kan benadeel nie (sesde
gebod).
Dit doen ek deur nooit my huwelik of
iemand anders se huwelik seer te
maak of te help breek nie (sewende
gebod). Daarom wil ek ten opsigte
van die seksuele as gawe van God:
- my gedagtes vul met dit wat eerbaar
en skoon is;
- my liggaam rein en heilig in die
huwelik en vir die huwelik bewaar;
- enigiets wat tot onsedelikheid
kan verlei, met selfbeheersing
teë te staan
Dit doen ek deur respek vir die besittings
van my medemens te hê. Dit
doen ek deur diefstal, skelmstreke,
korrupsie, gierigheid, woekerwins en
verkwisting te haat.
Met dankbaarheid besef ek dat my
besittings gawes van God is wat God
aan my deur toegewyde en eerlike
arbeid skenk en toevertrou om ook
my medemens in armoede te kan
help (agtste gebod).
Dit doen ek deur die waarheid lief te
hê. Daarom sal ek nie woorde verdraai,
skinder, lieg en bedrieg of ’n
kwaadprater wees nie. Ek het die begeerte
om my naaste se eer en naam
te verdedig en te bevorder (negende
gebod). •
Ons morele roeping is altyd om deurgaans die vaste waarhede en riglyne van God se wil in veranderde
lewensituasies toe te pas en uit te leef.