Ons Erfenis - Die Gereformeerde Kerke in Suid-Afrika

Psalmfees in Pretoria
Vir die afgelope aantal jare word daar telkens op
Hervormingsondag ’n Psalmfees in Pretoria gehou.
Op die fees gebeur daar presies wat die naam beskryf:
Daar word Psalms gesing! Kore, jeugkore, samesang,
orrelspel, instrumente en blaasensemble, selfs voordrag
van die skat van die liedere uit die Psalmboek. Verskeie
begeleiers het reeds ’n eie karakter aan die fees verleen:
Frelet de Villiers, Maurits Buchsteg, Engelie le Roux.
Hierdie Psalmfees het ontstaan in die Gereformeerde
Kerk Kameeldrift om uiting te gee aan die feeskarakter
wat die Psalms opvra. Dit is ’n belewenis om op
die verhoog van die Stadsaal te staan en Prys die Heer
uit meer as 1 000 kele te hoor. Of die klank van egte
jubeling onder Sing vrolik, hef die stem na bowe van die
pype van die magtige orrel in die Pretoriase Stadsaal.
Tradisioneel is daar ook ’n kort Woordoordenking om die
kele te laat rus of die verootmoedigende liedere wat die
gebede inlui.
Annemarie Fahrmeyer se naam is ook al sinoniem
met die Psalmfees vir die massa-rangskikkings met
fleurige blomme om kleur te verleen aan die klank wat
reeds gehoor word.
Die Psalmfees is nou al in verskeie geboue aangebied,
juis ter wille van variasie. 2006 se Psalmfees
word aangebied in die kerkgebou van die Gereformeerde
Kerk Wapadrant met Frelet de Villiers agter die orrel en
’n blaasensemble onder leiding van Anton Delen. ’n Groot
hoogtepunt hierdie jaar op die program is die teenwoordigheid
en sang van die Potchefstroomse Universiteitskoor
onder leiding van Awie van Wyk. Die koor het reeds
nasionaal en internasionaal bekendheid verwerf, onder
• Van Oraloor •
Die Die skoolkoor skoolkoor van van Overkruin Overkruin in in P PPretoria
P retoria onder onder leiding leiding van van Attie
Attie
Rossouw ossouw ossouw by by een een van van die die vorige vorige P PPsalmfeeste.
P Psalmfeeste.
salmfeeste. Attie Attie het het het dié dié
dié
betrokke betrokke jaar jaar ’n ’n paar paar van van sy sy sy kore kore kore wat wat hy hy hy afrig, afrig, laat laat sing.
sing.
andere vir die keurige wyse waarop die musiek aangebied
word.
Hiermee ’n uitnodiging – kom Psalmfees toe!
Hervormingsondag 29 Oktober 2006 in die kerkgebou
van Wapadrant in Atterburyweg, Pretoria. Ons begin om
15:00 en beloof om teen 17:15 klaar te wees. Bring
saam: Psalmboek, alhoewel die woorde van die Psalms
ook projekteer word. Bring ook iets saam vir die kollekte.
Die opbrengs word geskenk vir Bybelverspreiding.
Vir meer inligting kontak ds. Ben Fourie, 082
745 4117 of ds@kameeldrift.co.za
- Ds Ben Fourie, Kameeldrift
Negende byeenkoms van WRK in Brasilië
Die negende byeenkoms van die
Wêreldraad van Kerke (WRK)
het vanjaar in Porto Alegre, Brasilië,
gedurende Februarie plaasgevind.
Daar was 4 000 deelnemers, waaronder
691 afgevaardigdes van 348
lidkerke. Daar is veral gefokus op
spiritualiteit, ekumeniese verhoudings,
globale geregtigheid en profetiese
getuienis. Volgens die nuwe
Konstitusie word besluitneming nou
op konsensus baseer.
Aandag is ook gegee aan maniere
waarop met die Rooms-Katolieke
Kerk, wat nie lid is nie, saamgewerk
kan word, asook met Pinksterkerke. ’n Besondere fokus was op geweld
teen kinders.
Insiggewend was ook – tydens die byeenkoms – ’n belydenis van die VSA-
Kerkekonferensie waarin die Amerikaanse kerke verskoning gevra het omdat
hulle nagelaat het om ’n profetiese getuienis teen die Amerikaanse oorlog
in Irak – wat as ’n “fout” bestempel is - te lewer. “Ons bely dat ons gefaal
het om ’n profetiese stem – hard en volhardend genoeg – te laat hoor om
ons nasie tot globale verantwoordelikheid vir die skepping op te roep en
dat ons medepligtig is aan ’n verbruikerskultuur wat die aarde vernietig.”
(Berig in Challenge, no 84, 2006)
(Mens dink in hierdie verband onwillekeurig daaraan dat ons susterskerk, die Christian
Reformed Church in North America, in 1989 hulle verhouding met die GKSA
gesuspendeer het omdat hulle van mening was dat die GKSA apartheid óf ondersteun
het óf nie sterk genoeg afgewys het nie. – Red.)
• Die Kerkblad September 2006 • 45