Ons Erfenis - Die Gereformeerde Kerke in Suid-Afrika

nie. Hy het Levi se geweldsbegin verander in ’n
lewenstaak van versoening, ’n nuwe lewe van priesterwerk.
Hy verander ons – dit wat eers vir ons so belangrik was
dat dit al is wat ons aan ons kinders wil “nalaat”, skuif
ondertoe op ons lysie. Nou wil ons Hóm nalaat, uitdeel
...
... ek beskou alles as waardeloos, want
om Christus Jesus, my Here, te ken,
oortref alles in waarde. Ter wille van Hom
het ek alles prysgegee en beskou ek dit
as verwerplik sodat ek Christus as enigste
bate kan verkry (Fil 3:8).
O Here! Stroop ons asseblief van alles wat vir ons
belangriker as U is.
Help ons om U as ons deel te omhels.
Ons wil na U luister.
Ons wil voor U sing.
Ons wil uit U, deur U en tot U lewe.
Ons wil U werk in U skepping doen – met U visie.
Ons wil hê U moet Uself ook aan ons kinders uitdeel.
Om U te mag hê, is heerlik!
U is ons deel! •
Rekeningstate in
Engels
Die Administratiewe Buro het ’n aantal briewe
ontvang waarin beswaar gemaak is oor die
gebruik van Engels op die rekeningstate wat aan
kerke en individue uitgestuur is.
Die Administratiewe Buro is sensitief vir die
behoeftes van sy kliënte. Ons het gevolglik sover
moontlik gehoor gegee aan die behoefte om die
state so volledig moontlik na Afrikaans te vertaal.
Die Buro gebruik al jare dieselfde finansiële
pakket, waarvan die uitleg en programmering in
Engels is. Ons kon daarin slaag om die rekeningstaat
volledig in Afrikaans te vertaal met uitsondering
van een sin, naamlik die “oordrag van die
vorige balans”. Dit is ongelukkig in die kode van
die program vasgelê. Ons vertrou dat u begrip
daarvoor sal hê. Om hierdie geringe sakie reg te
stel, sal duur wees en die lidmate sal uiteindelik
die koste daarvan moet dra.
Die Admin Buro vra om verskoning vir die ongerief
en vertrou dat u hierdie verduideliking aanvaarbaar
sal vind.
Uit die Woord
• Die Kerkblad September 2006 • 5