2009 Finansiële Jaar - Overberg Agri

Die Maatskappywet van Suid-Afrika bepaal dat die Direkteure verantwoordelik is vir die opstel van finansiële jaarstate en
groepsfinansiële jaarstate wat voldoen aan “International Financial Reporting Standards” en ’n redelike weergawe bied van
die finansiële posisie van die Groep soos aan die einde van die finansiële jaar, en van die netto wins en kontantvloei vir die
tydperk. Die Direkteure is ook verantwoordelik vir die ander inligting in die jaarverslag en vir die akkuraatheid daarvan, sowel
as die ooreenstemming daarvan met die finansiële state.
Dit is die verantwoordelikheid van die onafhanklike eksterne ouditeure om verslag te doen oor die redelike aanbieding van
die finansiële state.
Die Direkteure is uiteindelik verantwoordelik vir die Groep se stelsel van interne finansiële beheer. Bestuur stel die
Direkteure in staat om hul verantwoordelikheid in hierdie verband na te kom. Standaarde en stelsels van interne kontroles
is ontwerp en geïmplementeer deur Bestuur om redelike, maar nie absolute nie, gerusstelling te bied aangaande die integriteit
en betroubaarheid van finansiële rekords en die finansiële jaarstate, asook om voldoende beskerming, verifikasie en
handhawing van aanspreeklikheid te bied vir die Groep se bates. Toepaslike rekeningkundige beleide, ondersteun deur billike
en omsigtige menings en ramings, word op ’n konsekwente en lopendesaakbasis toegepas. Stelsels en kontroles sluit in die
toepassing en delegasie van verantwoordelikhede, doeltreffende rekeningkundige prosedures en voldoende skeiding van pligte.
Geen aangeleenthede het onder die aandag van die Direkteure gekom wat ’n wesenlike ineenstorting in die funksionering van
hierdie kontroles, prosedures en stelsels gedurende die tydperk onder oorsig aandui nie.
Gebaseer op die inligting en verduidelikings soos deur Bestuur en die interne ouditeure voorsien, is die Direkteure van
mening dat die rekeningkundige kontroles voldoende is en dat op die finansiële rekords staatgemaak kan word vir die opstel
van die finansiële state en vir die handhawing van aanspreeklikheid vir die Maatskappy en die Groep se bates en laste. Die
Direkteure het ’n redelike verwagting dat die Groep oor voldoende bronne beskik om vir die afsienbare toekoms
operasioneel te bly voortbestaan en aanvaar die lopendesaakbasis vir die opstel van die finansiële state.
Die finansiële jaarstate is geouditeer deur die onafhanklike rekenmeestersfirma, PricewaterhouseCoopers Ingelyf, wat onbeperkte
toegang gegee is tot alle finansiële rekords en verwante data, met inbegrip van notules van alle vergaderings van
aandeelhouers, die Direksie en Direksiekomitees. Die Direkteure meen dat alle verklarings wat gedurende die oudit aan die
onafhanklike ouditeure gemaak is, geldig en toepaslik was.
Die finansiële state, wat op bladsye 16 – 74 aangebied word, is deur die Raad van Direkteure goedgekeur en namens hulle
onderteken deur:
D de Kock R Pheiffer
Voorsitter Besturende Direkteur 11 Junie 2009
In my hoedanigheid as Maatskappysekretaris, bevestig ek hiermee dat die Maatskappy alle opgawes soos vereis vir ’n publieke
maatskappy ingevolge Artikel 268 G(d) van die Maatskappywet, 1973, by die Registrateur van Maatskappye ingedien het en dat
sodanige opgawes waar, korrek en op datum is.
A Steyn
Maatskappysekretaris
Caledon 11 Junie 2009
14
OVERBERG AGRI BEPERK EN SY FILIALE
DIREKTEURSVERANTWOORDE-
LIKHEDE EN -GOEDKEURING
OVERBERG AGRI BEPERK EN SY FILIALE
SERTIFIKAAT VAN DIE
MAATSKAPPYSEKRETARIS