2009 Finansiële Jaar - Overberg Agri

1.33 Kritiese rekeningkundige aannames en oordeel
34
OVERBERG AGRI BEPERK EN SY FILIALE
Aantekeninge tot die finansiële state (vervolg)
VIR DIE JAAR GEËINDIG 28 FEBRUARIE 2009
Ramings en aannames word voortdurend geëvalueer en is gebaseer op historiese ondervinding en ander faktore, insluitende
verwagtinge van toekomstige gebeure wat redelik is onder die omstandighede.
Die Groep maak ramings en aannames aangaande die toekoms. Die gevolglike rekeningkundige ramings mag moontlik nie, volgens
definisie, ooreenstem met die werklike resultate nie. Aannames en skattings, wat ’n wesenlike risiko het om ’n wesenlike aansuiwering
tot die drabedrag van bates en laste binne die volgende finansiële jaar tot gevolg te hê, word hieronder bespreek:
Lewensduur en reswaarde van vaste bates en ontasbare bates
Bestuur hersien die lewensduur en reswaarde van vaste bates en toepaslike ontasbare bates op ’n jaarlikse grondslag en
aanpassings word gemaak soos toepaslik. Bestuur gebruik hul ervaring, oordeel en aannames in die proses om lewensduur en
reswaarde te bepaal.
Waardedaling van silo’s
Bestuur doen ’n waardedalingstoets op die silo’s en silotoerusting van die Groep ten einde die verhaalbare waarde van die
silo’s as ’n afsonderlike kontantgenererende eenheid te bepaal. Dit kan aanleiding gee tot ’n waarde-aanpassing op drawaardes
soos geopenbaar in aantekening 4.
Die volgende aannames is gebruik tydens die berekening:
• Verdiskonteerde kontantvloei-metode is gebruik om die waardasie te doen;
• Aangepaste GSI-standaardkoste per ton is gebruik as basis vir koste;
• 6-jaar gemiddelde tonnemaat is gebruik as basis vir volumes;
• 50% van koring op dagtarief en dagtarief-opberging duur gemiddeld 45 dae (2008: 50 dae); en
• Verdiskonteringskoers 15,75% (na belasting) (2008: 17,64%).
Die volgende is indikators wat aanleiding kan gee tot ’n waardedalingstoets en uiteindelike terugskrywing van die
vorige tydperke se waardedalings/-stygings:
• Rentekoersveranderinge;
• Wesenlike veranderinge in oesopbrengste;
• Ekonomiese omstandighede; en
• Alternatiewe graanopbergingsmoontlikhede.
Waardedaling van kliënteverhoudinge
Kliënteverhoudinge ten opsigte van die versekeringsbesigheid is aan die einde van die finansiële periode waarin die bate
verkry is, deur ’n spesialiswaardeerder oorweeg vir waardedaling deur van die vryekontantvloei-metode gebruik te maak. Die
totale versekeringsbesigheid is as ’n kontantgenererende eenheid geïdentifiseer vir waardedalingstoetse. Bestuur sal in toekomstige
periodes kliënte-verhoudinge vir waardedaling oorweeg deur van soortgelyke metodes gebruik te maak.
Waardedaling van klandisiewaarde
Klandisiewaarde ten opsigte van die versekeringsbesigheid is aan die einde van die finansiële periode waarin die bate verkry
is, deur ’n spesialiswaardeerder oorweeg vir waardedaling deur van die vryekontantvloei-metode gebruik te maak. Die totale
versekeringsbesigheid is as ’n kontantgenererende eenheid geïdentifiseer vir waardedalingstoetse. Bestuur sal in toekomstige
periodes klandisiewaarde vir waardedaling oorweeg deur van soortgelyke metodes gebruik te maak.