2009 Finansiële Jaar - Overberg Agri

6. Ontasbare bates (vervolg)
46
OVERBERG AGRI BEPERK EN SY FILIALE
Aantekeninge tot die finansiële state (vervolg)
VIR DIE JAAR GEËINDIG 28 FEBRUARIE 2009
Die verhaalbare bedrag van ’n KGE word vasgestel gebaseer op waarde-in-gebruik berekeninge. Vir hierdie berekeninge word
gebruik gemaak van kontantvloeiprojeksies gebaseer op finansiële begrotings wat ’n periode van vyf jaar dek, soos goedgekeur
deur Bestuur. Kontantvloeie buite die vyf-jaar periode word geëkstrapoleer deur gebruikmaking van die verwagte groeikoerse
soos hieronder aangedui.
Bestuur het klandisiewaarde, kliënteverhoudinge, handelsmerke en mineraalregte beoordeel en gevind dat waardedaling
slegs plaasgevind het op die klandisiewaarde van die Toyota Bredasdorp agentskap. Bestuur het die drawaarde van die Toyota
Bredasdorp agentskap se klandisiewaarde aangepas met R1,372,224 na ’n drawaarde van R nul. Hierdie waardedalingsverlies is
bereken deur die vergelyking van die drawaarde van die KGE met die waarde-in-gebruik van die KGE.
Sleutelaannames gebruik vir waarde-in-gebruik berekeninge:
Versekeringsagentskap-besigheid Klandisie- Kliëntewaarde
verhoudinge
Gemiddelde toename in omset per jaar 7% – 11% 7% – 11%
Gemiddelde VVRBDA-toename per jaar 25% – 38% 25% – 38%
Gemiddelde VVRBDA-marge 26% – 94% 26% – 94%
Verdiskonteringskoers (na belasting) 16,36% 16,36%
Risikopremie 1,46% 1,46%
Groeikoers 4% 4%
Waardedalingstoetsing vir die versekeringsagentskap-besigheid is bereken deur onafhanklike eksterne waardasie-spesialiste.
Begrote omset en VVRBDA-marges is gebaseer op Bestuur se verwagtinge vir markontwikkeling en eksterne waardasiespesialiste
se kennis van die industrie. Die groeikoers gebruik verteenwoordig die langtermyn-groeikoers gebaseer op vooruitgeskatte
inflasiekoerse. Die verdiskonteringskoers verteenwoordig ’n nabelaste koers gebaseer op die Groep se geweegde
gemiddelde koste van kapitaal.
’n Redelike moontlike verandering in bogenoemde sleutelaannames waarop Bestuur hul berekening van die verhaalbare bedrag
gebaseer het, sal nie veroorsaak dat die drabedrag die verhaalbare bedrag oorskry nie.
Promeal (Edms) Bpk Handels- Kliëntemerke
verhoudinge
Groei in bruto wins vir die jaar 10% 10%
Verdiskonteringskoers (na belasting) 14,90% 14,90%
Groeikoers 5,25% 5,25%
Bestuur het die begrote bruto marges vasgestel, gebaseer op gewese prestasie en sy verwagtinge vir markontwikkeling. Die
groeikoers wat gebruik word, verteenwoordig die langtermyn-groeikoers gebaseer op vooruitgeskatte inflasiekoerse. Die
verdiskonteringskoers verteenwoordig ’n na-belaste koers gebaseer op die Groep se geweegde gemiddelde koste van kapitaal.
Die volgende verandering in bogenoemde sleutelaannames waarop Bestuur hul berekening van die verhaalbare bedrag
gebaseer het, sal tot gevolg hê dat die drabedrag die verhaalbare bedrag soos volg oorskry:
• ’n Toename in die verdiskonteringskoers (na belasting) van 2,10%;
• n Afname in groeikoers van 3,45%; en
• ’n Afname in groei in bruto wins per jaar van 1,70%.
Bontebok Lime Works (Edms) Bpk Mineraalregte
Groei in bruto wins per jaar 13%
Verdiskonteringskoers (na belasting) 14,90%
Groeikoers 5,25%