2009 Finansiële Jaar - Overberg Agri

Die Direkteure se jaarverslag, wat deel vorm van die geouditeerde finansiële jaarstate van die Groep en die Maatskappy vir
die jaar geëindig 28 Februarie 2009, word hieronder aangebied.
1. Aard van besigheid en bedrywighede
Die doelstellings van die onderneming het nie verander gedurende die finansiële jaar nie. Die hoofaktiwiteite van die Groep
is die verskaffing en lewering van landbouverwante produkte en dienste, asook die fokus op ’n aantal welvaartskeppende
ondernemings waarvan mynbou-aktiwiteite, ’n slagpale, vervaardiging van nat troeteldierkos, verkoop van industriële hegstukke,
en motorhandelaaragentskappe die belangrikste is.
2. Direkteure
Verwys na Maatskappy-inligting soos op bladsy 2.
Direkteursbelange
Die Uitvoerende Direkteure van die Groep en sy filiale besit ’n aandeelhouding van kleiner as een persent.
Direkteure se dienskontrakte en handelsbeperkings
Die Uitvoerende Direkteure van die Groep en sy filiale is onderhewig aan skriftelike diensooreenkomste. Die diensooreenkomste
reguleer die pligte, vergoeding, toelaes, beperkings, verlof en kennisgewingstydperke van die Uitvoerende Direkteure.
Direkteursvergoeding
Die Direkteure se vergoeding vir die jaar onder oorsig word in aantekening 42 uiteengesit.
3. Maatskappysekretaris
Die Maatskappy se sekretaris is A Steyn.
Besigheidsadres:
Donkinstraat 11
Caledon
7230
4. Aandelekapitaal
Die gemagtigde en uitgereikte aandelekapitaal het onveranderd gebly gedurende die jaar onder oorsig. Die gemagtigde aan-
delekapitaal bestaan uit 10,000,000 gewone aandele van 15 sent elk. Op die balansstaatdatum was 8,388,583 uitgereik. Die
onuitgereikte aandele word onder die beheer van die Direksie geplaas tot die volgende Algemene Jaarvergadering.
5. Finansiële resultate, dividende en ander finansiële aangeleenthede
Dividend en kapitaaldistribusie
’n Dividend van 121 sent (2008: 90 sent) per aandeel is op 25 Junie 2008 verklaar en op 14 Julie 2008 betaal.
16
OVERBERG AGRI BEPERK EN SY FILIALE
DIREKTEURSVERSLAG