2009 Finansiële Jaar - Overberg Agri

3. Finansiëlerisikobestuur
Finansiëlerisikofaktore
Die Groep se aktiwiteite stel hom bloot aan ’n verskeidenheid van finansiële risiko’s:
39
OVERBERG AGRI BEPERK EN SY FILIALE
Aantekeninge tot die finansiële state (vervolg)
VIR DIE JAAR GEËINDIG 28 FEBRUARIE 2009
(a) markrisiko (insluitende prysrisiko en valutarisiko) en kontantvloei- en billike waarde rentekoersrisiko;
(b) kredietrisiko; en
(c) likiditeitsrisiko
Die Groep se oorkoepelende risikobestuursprogram fokus op die onvoorspelbaarheid van finansiële markte en poog om
potensiële ongunstige uitwerkings op die Groep se finansiële prestasie tot die minimum te beperk.
Bestuur is verantwoordelik vir die Groep se risikobestuur en identifiseer, evalueer en verskans finansiële risiko’s waar nodig in
noue samewerking met die Groep se bedryfseenhede. Die Direksie verskaf beginsels vir oorkoepelende risikobestuur sowel
as ’n geskrewe beleid wat spesifieke areas, soos wisselkoersrisiko, rentekoersrisiko, kredietrisiko, die gebruik van afgeleide
finansiële instrumente en nie-afgeleide finansiële instrumente en die belegging van surpluslikiditeit dek.
(a) Markrisiko (insluitende prysrisiko en valutarisiko) en kontantvloei- en billike waarde rentekoersrisiko
(i) Wisselkoersrisiko
Een filiaal in die Groep voer produkte vanaf die buiteland in en is blootgestel aan wisselkoersrisiko wat ontstaan uit verskeie
valutablootstellings, hoofsaaklik die VSA dollar, Britse pond en Euro. Wisselkoersrisiko ontstaan wanneer invoere van produkte
teen ’n ander wisselkoers realiseer as waarteen die bestelling plaasgevind het vir produkte wat reeds teen ’n ooreengekome
prys gekontrakteer is.
Die filiaal se funksionele geldeenheid is ZAR en Bestuur het ’n beleid opgestel wat bepaal hoe die filiaal se wisselkoersrisiko
bestuur moet word. Om die wisselkoersrisiko te bestuur, gebruik die filiaal wisselkoersverskansingsinstrumente wat aangegaan
word wanneer bepaalde wisselkoersvlakke bereik word. Die wisselkoersverskansingsinstrumente word met ’n finansiële instelling
gesluit.
Op 28 Februarie 2009, indien die wisselkoers met R1 verander het, sal die effek op wins na belasting R110,722 wees
(2008: R nul). Verwys na aantekening 32 vir wisselkoersverskille gedurende 2009.
(ii) Prysrisiko
Die Groep is blootgestel aan kommoditeite-prysrisiko as gevolg van kommoditeite wat as voorraad gehou word. Verliese sal
gely word indien die netto realiseerbare waarde laer as die kosprys van die kommoditeite daal.
Op jaareinde, indien die kommoditeitsprys met R1 versterk/verswak het, met al die ander veranderlikes wat konstant gehou
word, sou die na-belaste wins vir die jaar laer/hoër gewees het, soos volg:
Kommoditeite 2009 2008
R’000 R’000
Chemiese middels 18 11
Voer 179 276
Kunsmis 8 18
Brandstof 189 473
Saad 3 2
397 780
Die Groep is blootgestel aan ekwiteitsekuriteite-prysrisiko as gevolg van beleggings wat deur die Groep gehou word en op
die Balansstaat as beskikbaar-vir-verkoop en nie-bedryfsbates gehou-vir-verkoop geklassifiseer word. Ekwiteit sal toeneem/
afneem as gevolg van enige winste/verliese op ekwiteitsekuriteite wat geklassifiseer word as beskikbaar-vir-verkoop beleggings
en nie-bedryfsbates gehou-vir-verkoop.