2009 Finansiële Jaar - Overberg Agri

1.33 Kritiese rekeningkundige aannames en oordeel (vervolg)
Surplus op werknemervoordeel-pensioenfonds
36
OVERBERG AGRI BEPERK EN SY FILIALE
Aantekeninge tot die finansiële state (vervolg)
VIR DIE JAAR GEËINDIG 28 FEBRUARIE 2009
Die Groep se beleid is om alle winste en verliese soos dit ontstaan in die Inkomstestaat te erken. Die oordeel van die
toedeling van enige surplusse en tekorte berus by die Raad van Trustees, soos op daardie tydstip aangestel.
Die volgende voordeelverbetering wat aan Bestuurslede toegeken is wat nie aan ander lede toegeken is nie, is gerapporteer:
Tydperk 1 Augustus 1982 tot 1 Junie 1986:
Volgens die waardasieverslag van 1 Augustus 1982 was daar geen onderskeid tussen die voordele waarop Bestuurslede
geregtig was teenoor die voordele waarop ander lede geregtig was nie.
Volgens die gekonsolideerde Reëls van die Fonds soos op 1 Junie 1986 is sommige wysigings sedert 1982 aangebring.
Die wysigings sou ’n verhoging in die verstreke diensverpligting van sekere lede veroorsaak het. Die surplus in die Fonds het
dienooreenkomstig verminder, in die veronderstelling dat ’n ooreenstemmende bedrag nie in die Fonds inbetaal is om dit te
finansier nie. Die addisionele verstreke diensverpligting kwalifiseer dus as ’n onbehoorlike aanwending van surplus.
Aansporingskema
Die billike waarde van werknemersdienste ontvang in ruil vir kontant-vereffende aandeel-gebaseerde betaling word bepaal
deur die billike waarde van die opsie te bereken. Verwys na aantekening 25 vir aannames gebruik in hierdie berekening.
Mynlisensie
Die mynlisensie moet in 2009 hernu word. Bestuur is van mening dat die aansoek om hernuwing van die lisensie suksesvol
sal wees. Die myn se bates is dus oor die bates se verwagte nuttige lewensduur gedepresieer, en nie oor die oorblywende
lewensduur van die lisensie nie.
Verdienste per aandeel en segmentverslagdoening
Die Maatskappy se aandele word nie aan die algemene publiek oor die toonbank verhandel nie, maar word beperk tot ’n
spesifieke groepering deur die Maatskappy se Statute. Bestuur is van mening dat die vereiste om verdienste per aandeel en
segmentverslagdoening te openbaar, nie van toepassing op die Maatskappy is nie.
Tussentydse finansiële verslagdoening
Een van die filiale in die Groep, wat ’n beduidende invloed op die Groep se syfers het, se bedryfsaktiwiteite is nie eweredig
versprei deur die loop van die jaar nie, maar vind siklies plaas. In die lig hiervan het die Groep vrystelling van die Registrateur
van Maatskappye ontvang om nie tussentydse finansiële verslagdoening toe te pas nie.