deurlopende formatiewe assessering in skriftelike stelwerk in graad 5

leerlingselfwerksaamheid aanmoedig, en gons die klas gedurig. Smith (1986:3) brei verder
uit oor kollaboratiewe leer waar dit doodnatuurlik buite die skool plaasvind. Ouers en ouer
susters en broers help die jonger onervare kinders leer loop, praat, lees, swem ensovoorts.
Smith (1986:3) hou vol dat skole ” … should become environments where individuals can
help each other in a self-sustaining fashion, enjoy the companionship and gain confidence
from working together”. Deur in groepe saam te werk, leer leerders nie net om met mekaar
oor die weg te kom nie, maar hulle leer ook van mekaar. UGO is nie net gebaseer op kennis
nie, maar ook dat leerder die nodige waardes en houdinge aanleer. In groep verband leer
hulle die waarde aan om mekaar se opinies te respekteer.
Richmond (1986:1) sê verder dat leerders met mekaar moet konfereer ten opsigte van hul
skryfwerk, deur mekaar vrae te vra of om advies aan mekaar uit te ruil. Advies ten opsigte
van inhoud, organisasie van ‘n geskrewe stukkie werk en die beheer van konvensies moet in
oorweging geneem word. Hy gaan verder dat dit nodig is dat leerders binne die konteks van
‘n groepaktiwiteit skryf: ” … any activity which involves planning, … mutual support and
critisism, leading to a product where individuals can see their own contributions within a
larger whole” (Richmond, 1986:1). Met kollaboratiewe skryf binne groepverband reageer
leerders eerlik op mekaar se werk en voel hulle veilig omdat hulle met hul portuurgroep
werk. Die prosesbenadering help dus dat daar nou weg beweeg word van die tradisionele
hiërargiese samestelling waar die leerkrag die alleswetende figuur voorgestel het en waar
leerders die passiewe luisteraars uitgemaak het na aktiewe deelname in leerproses.
Styles (1989: 4) sê dat hulle nie ‘n teorie het vir leerkragte in hoe ‘n mate kollaboratiewe
skryf leerders se werk bevoordeel nie. Hulle het wel uitgevind dat daar definitiewe voordele
aan kollaboratiewe skryf verbonde is. Sy lys die voordele so:
• The sheer drudgery of writing for some pupils can be relieved by
collaborative work.
• Collaboration inevitable leads to talking about writing.
• Collaborative writing encouraged pupil-initiated learning.
• Children tend to enjoy collaborative learning
(Styles, 1989:4).
28