deurlopende formatiewe assessering in skriftelike stelwerk in graad 5

aamwerk te verstaan, te interpreteer en dan aan te pas. Die benadering is essensieel
sosiologies.
McNiff (1988:10) voer egter aan dat binne die benadering daar nog steeds ‘n mate van beheer
uitgeoefen word waarin onderwysers hulle praktyk moet inpas. Onderwysers het dus nog
steeds nie die volle vryheid of ruimte om te kan besluit hoe hulle hulle praktyk kan verbeter
of aanpas nie. Volgens McNiff (1988:10) is hierdie benadering meer van toepassing op
sosiologiese as opvoedkundige aangeleenthede. Sosiologiese aangeleenthede spreek die
gedrag van mense aan. Alhoewel die gedrag van mense lig werp op opvoedkundige
navorsing, spreek dit nie die opvoedkundige probleme aan wat leerkragte in die klaskamers
ondervind nie. Sy sê verder dat hulle begrip van opvoedkundige kennis as ‘n produk wat
hulle kan beheer, gesien word. Die metode hoe daar te werke gegaan word om data te
kollekteer tussen die empiries-analitiese en prakties-interpretatiewe benadering is wel
verskillend, maar die konsep van beheer deur die navorser op diegene wat nagevors word, is
dieselfde. Ondersteuners van die prakties-interpretatiewe benadering argumenteer dat dit
demokraties en menslik is, maar dit is tog duidelik in die hele ontwerp dat die navorser nog
steeds ‘n raamwerk daar stel waar die persoon wat nagevors (‘researchee’) word hulle
praktyk moet inpas.
Volgens Carr & Kemmis (1986:87) kan die essensie van die praktiese benadering in die
sosioloog, Max Weber, se definisie van sosiologie gevind word, naamlik:
Sociology is a science which attempts the interpretive understanding of
social action … In ‘action’ is included all human behaviour … Action is
social in so far as, by virtue of the subjective meaning attached to it by the
acting individual (or individuals), it takes account of the behaviour of others
and is thereby oriented in its course
Die interpreterende navorser stel dus meer belang in die aard, ontwikkeling en funksie van
die menslike samelewing. Dit spreek nie die daaglikse probleme aan wat leerkragte in die
klaskamerpraktyk en in hul professionele lewe ervaar nie. ‘n Nuwe opvoedkundige
benadering is hiervoor nodig.
38