'n Kritiese evaluering na die effektiwiteit van bestuurstrategieë vir ...

4.12 DIE TOEPASSING VAN DIE GEYER-REKENAARMODEL OP DIE TWEE HOOF
PRODUKSIEGEBIEDE
4.12.1 DIE MODUS WAARDES AS VERANDERLIKES IN DIE GEYER-
REKENAARMODEL.
Die modus is die waarde in die datastel wat die meeste voorkom. (Schuman,
Bouwer & Schoeman. 1976:58; Hoel & Jessen. 1977:29; Steyn, Smit & Du Toit.
1984:86; Geyer. 1998:178). Die volgende veranderlikes is uit die vraelys (Bylaag
A) bekom en in die Geyer-rekenaarmodel (Bylaag C) gebruik:
4.12.1.1 Skeer.
a. Maand van skeer
Volgens die vraelyste kom ‘n 8 maande, sowel as ‘n 12 maande skeerinterval in
die ondersoekgebied voor. In STORMBERG HOëVELD kom ‘n 8 maande
skeerinterval die meeste voor, terwyl in BURGERSDORP LAEVELD ‘n 12
maande skeerinterval meer voorkom, behalwe in die geval van die Döhne-
Merino boere wat meestal ‘n 8 maande skeerinterval verkies. Vir die doeleinde
van die Geyer-rekenaarmodel is die 8 maande skeersels van skaapboere
verwerk na 12 maande skeersels, om ‘n vergelyking te tref. Die meeste
skaapboere in die ondersoekgebied skeer gedurende
Julie/Augustus/September/Oktober en Augustus is as die maand van skeer in
die Geyer-rekenaarmodel gebruik.
b. Begingetalle
Dit is die getal diere wat op 1 April in die stelsel teenwoordig is. In April word
die ramme by die ooie gesit en word dit beskou as die begin van ‘n nuwe
produksie-seisoen. In die geval van hierdie studie is begin met 870
speenlammers; 200 jongooie; 1000 ooie en 40 ramme. Hierdie getalle word
dan gebruik om die veetabel op te stel. Alle veegetalle wat in die berekeninge
gebruik word, word uit die veetabel gehaal. Die veetabel maak maandeliks
voorsiening vir die kuddeverdeling; dood en verlore; verkope; aankope en
aantal lammers gebore.
327