'n Kritiese evaluering na die effektiwiteit van bestuurstrategieë vir ...

5.9.1.2 Speenpersentasies wat skaapboere in die ondersoekgebied nastreef.
Skaapboere streef na speenpersentasies wat wissel tussen 101.31 % en
115.71 %. Die Merino boere in BURGERSDORP LAEVELD streef na 101.31 %
en die Vleismerino boere streef na 115.71 %. (Tabel 4.52).
5.9.2 Die persentasie (%) tweelinge van skaapboere in die ondersoekgebied.
In die ondersoekgebied het die persentasie tweelinge gewissel tussen 8.50 % en
23.53 %. Die Merino boere in BURGERSDORP LAEVELD het die laagste
persentasie tweelinge (8.50 %) en die Dorper boere het die hoogste persentasie
tweelinge (23.53 %). (Tabel 4.53). Dit is ‘n aanduiding dat die Dorper ras
waarskynlik die hoogste persentasie tweelinge in die ondersoekgebied gee, in
vergelyking met die Merino; Döhne-Merino en die Vleismerino rasse.
Volgens Steyn (1996:5) is die ekonomiese waarde van tweelinge so hoog, dat dit
geregverdig is om hulle ekstra aandag te gee in die voeding en bestuursprogram.
Die ooie met tweelinge se doeltreffendheid van voerverbruik is 35-50 % hoër as die
van enkelinge.
In die ondersoekgebied het die meerderheid skaapboere (al ses groepe) tweelinge
verwelkom. (Tabel 4.54). Die skaapboere wat nie tweelinge verwelkom het nie, het
as die belangrikste rede aangedui, dat ooie net een lam behoorlik kan grootmaak.
(Tabel 4.55).
Volgens skaapboere in die ondersoekgebied wissel die persentasie van die tweede
lammers van tweelinge wat sal oorleef, tussen 56 % en 89.21 %. Volgens die
Vleismerino boere sal 56 % van die tweede lammers van tweelinge oorleef en
volgens die Dorper boere sal 89.21 % van die tweede lammers van tweelinge
oorleef, sonder dat daar enigsins ingemeng word. (Tabel 4.56). Hierdie hoë
persentasie (89.21 %) van die Dorper boere is ‘n aanduiding dat die Dorperras
geneties beter aangepas is om tweelinge groot te maak, sonder enige hulp van die
boer.
191