'n Kritiese evaluering na die effektiwiteit van bestuurstrategieë vir ...

6. SAMEVATTING/OPSOMMING.
HOOFSTUK 6
In hierdie hoofstuk word die navorsing saamgevat in ‘n kort opsomming, waarna
spesifieke gevolgtrekkings ten opsigte van die produksienorme; die
reproduksienorme en die bestuurstrategieë in die ondersoekgebied verskaf word.
Daar word ook verwys na die implikasies wat hierdie studie vir toekomstige
navorsing inhou.
6.1 INLEIDING
6.1.1 Die algemene doelwitte van hierdie studie is bereik, naamlik:
6.1.1.1 Die produksie- en reproduksienorme is bepaal vir die verskillende hoof
produksiegebiede in die groter Burgersdorp omgewing.
6.1.1.2 Die verskillende bestuurstyle van skaapboere in die groter Burgersdorp
omgewing is bepaal.
6.1.1.3 Die bruto marges vir skaapboerderye in die groter Burgersdorp omgewing is
bepaal, om sodoende die finansiële posisie vas te stel.
6.1.2 Die volgende hipoteses is gestel:
6.1.2.1 Die vasstelling van produksienorme sal wolboere instaat stel, om hul eie
produksie te vergelyk met die norme van die spesifieke hoof produksiegebiede.
6.1.2.2 Die vasstelling van reproduksienorme sal wolboere instaat stel, om hul eie
reproduksie te vergelyk met die norme van die spesifieke hoof
produksiegebiede.
6.1.2.3 Wanneer die verskillende bestuurstyle in die hoof produksiegebiede vasgestel
is, sal die effek daarvan in die verskillende bruto marges weerspieël word.
196