'n Kritiese evaluering na die effektiwiteit van bestuurstrategieë vir ...

Hierdie bogenoemde verskille in produksienorme kan moontlik toegeskryf word
aan die volgende faktore:
• Verskille in reënvalsyfers in die twee hoof produksiegebiede,
• Verskille in veldtipes en veldtoestande in die twee hoof produksiegebiede,
• Verskille in bestuurstrategieë van skaapboere in die twee hoof
produksiegebiede.
6.3.2 Reproduksienorme in die ondersoekgebied.
Die reproduksienorme (lam- en speenpersentasies) wat vasgestel is vir die
verskillende skaaprasse in die ondersoekgebied, is volledig in hoofstuk vyf
bespreek en vergelyk met reproduksienorme in literatuur, om sodoende te bepaal
of dit geloofwaardig is. Die gevolgtrekking is dat reproduksienorme in die
ondersoekgebied goed vergelyk met reproduksienorme in literatuur en daarom
geloofwaardig is vir skaapboere in die groter Burgersdorp omgewing.
Die gemiddelde lam- en speenpersentasies (Tabelle 4.27 en 4.28) of
reproduksienorme ten opsigte van die Merino en die Döhne-Merino in die hoof
produksiegebiede, verskil ook tot ‘n mate:
Lampersentasie Merino 94.50 % 95.87 %
Döhne-Merino 91.57 % 100.25 %
Speenpersentasie Merino 90.23 % 90.99 %
Döhne-Merino 84.19 % 93.33 %
Hierdie bogenoemde verskille in reproduksienorme kan moontlik toegeskryf word
aan dieselfde faktore wat die produksienorme beïnvloed het, naamlik verskille in
reënvalsyfers; veldtipes; veldtoestande en bestuurstrategieë in die twee hoof
produksiegebiede.
202