'n Kritiese evaluering na die effektiwiteit van bestuurstrategieë vir ...

moedereienskappe. (Tabel 4.13). Dit is ‘n aanduiding dat die meeste skaapboere
dit as belangrik beskou om teen swak moedereienskappe te selekteer.
5.3.5 Die identifisering van meerlingooie en lammers in die ondersoekgebied.
In die ondersoekgebied maak die meerderheid skaapboere (vier van die ses
groepe) gebuik van OPSIE B: Hulle hou dus ooie met meerlinglammers apart
sonder om hulle vir toekomstige uitkenning te merk.
Slegs twee van die ses groepe maak gebruik van OPSIE A: Identifiseer en merk
onder streng toesig alle meerlingooie asook hulle lammers vir toekomstige
uitkenning. Nog meer kommerwekkend is die 42.86 % van die Vleismerino boere
wat OPSIE D (merk glad nie meerlingooie met hulle lammers vir uitkenning nie)
gebruik. (Tabel 4.14). Bogenoemde toon dat baie min skaapboere in die
ondersoekgebied wel meerlingooie en lammers identifiseer en merk. Dit is ‘n
aanduiding van swak bestuur ten opsigte van meerlingooie en behoort
aangespreek te word.
5.3.6 Die seleksie van jongooie in die ondersoekgebied.
In die ondersoekgebied verkies vier van die ses groepe skaapboere OPSIE A (boer
self). Die boer self doen dus meestal die seleksie van jongooie wat as
vervangingsooie in die kudde opgeneem word. OPSIE B (BKB of CMW agent) en
OPSIE D (boer, saam met BKB/CMW agent) word tot ‘n mindere mate gebruik vir
die seleksie van jongooie in die ondersoekgebied. (Tabel 4.15).
5.3.7 Die wyse waarop skaapboere in die ondersoekgebied die vrugbaarheid van
hul ramme bepaal.
In die ondersoekgebied maak die meeste skaapboere (vyf van die ses groepe)
gebruik van OPSIE A (het kliniese vrugbaarheidstoetse op alle ramme net voor
paartyd laat doen en hulle geslagsorgane laat ondersoek deur ‘n veearts). Die
Dorper boere is die uitsondering en die meeste maak gebruik van OPSIE C (het
self geslagsorgane net voor paartyd ondersoek). (Tabel 4.16). Bogenoemde is ‘n
180