'n Kritiese evaluering na die effektiwiteit van bestuurstrategieë vir ...

Dit is in die moderne era vir die boer van belang om ‘n bestuursplan saam te stel,
as hy die probleemdierkwessie wil oplos. So ‘n bestuursplan bestaan gewoonlik uit
die volgende ses fases:
• Stel vas waarom probleemdiere veeverliese veroorsaak.
• Ontleed die probleem.
• Ken die bepaalde individu onder die probleemdiere uit.
• Bereken of die finansiële verliese die koste van ‘n bestuursprogram oortref.
• Stel ‘n bestuursplan saam.
• Meet die resultate van die plan.
As die skade minder as die koste van ‘n bestuursprogram is, is dit ‘n verkwisting
om, soos dikwels gebeur, sonder genoeg rede duisende rande aan
probleemdierbestuur te bestee. Word skape egter elke week gevang, is dit die
moeite werd om geld en tyd in ‘n sinryke program te belê. (Verdoorn. 1999:1).
2.3 PRODUKSIE.
Produksie is die ontwikkeling of vervaardiging van ‘n sekere produk. (Odendal. et.
al. 1985:859).
Die vier landdrosdistrikte wat in hierdie navorsing geïdentifiseer is, het die
onderstaande vetwolmassa (kg) gedurende die 1999/00 seisoen geproduseer.
Burgersdorp 746 681,0
Molteno 411 883,6
Steynsburg 279 875,4
Venterstad 108 885,6
TOTAAL 1547 325,6
(Frances. Persoonlike mededeling. 2001).
187