'n Kritiese evaluering na die effektiwiteit van bestuurstrategieë vir ...

aktiewe koggelramme 14 dae voor paartyd by die ooie geplaas word en op die
aand van die 14de dag deur 3-4 % ramme vervang word.
5.4.2 Die reproduksie van skape in die ondersoekgebied.
• In die ondersoekgebied het skaapboere gemiddeld tussen 883 en 1581.08 ooie
(ooilammers buite rekening) in hul teelkuddes. (Tabel 4.23).
• Skaapboere in die ondersoekgebied het gemiddeld tussen 892.29 en 1482.75 ooie
die afgelope seisoen gepaar. (Tabel 4.24).
• In die ondersoekgebied het gemiddeld tussen 3.57 % en 7.16 % van hierdie ooie
oorgeslaan. Die Vleismerino boere het die laagste oorslaanpersentasie (3.57 %)
en die Döhne-Merino boere in BURGERSDORP LAEVELD het die hoogste
oorslaanpersentasie (7.16 %). (Tabel 4.25).
Dit is van kardinale belang dat skaapboere in die ondersoekgebied bewus moet
wees van die negatiewe ekonomiese effek van oorslaanooie. Reproduksie in
skaapkuddes moet onder andere verhoog word deur die uitklas van ooie wat nie
lam nie, ooie wat oorslaan en ooie met swak moedereienskappe, terwyl daar
positief geselekteer moet word vir ooie wat meerlinge produseer en kan grootmaak.
• In die ondersoekgebied het gemiddeld tussen 0.15 % en 0.66 % van hierdie ooie
geaborteer. Die Döhne-Merino boere in STORMBERG HOëVELD het die laagste
persentasie (0.15 %) en die Dorper boere het die hoogste persentasie (0.66 %).
(Tabel 4.26). Bogenoemde is ‘n aanduiding dat aborsies nie eintlik plaasvind nie.
• In die ondersoekgebied wissel lampersentasies tussen 91.57 % en 116.23 %.
Lampersentasies word bereken volgens lammers gebore per 100 ooie gepaar. Die
Döhne-Merino boere in STORMBERG HOëVELD het die laagste lampersentasie
(91.57 %) en die Dorper boere het die hoogste lampersentasie (116.23 %). (Tabel
4.27). Die gemiddelde lampersentasie vir die Merino in die ondersoekgebied is
vasgestel tussen 94.50 % en 95.87 %. (Tabel 4.27). Hierdie lampersentasies is
heelwat hoër as die lampersentasies in De Klerk. et. al. (1983:106) se studie.
Volgens De Klerk. et. al. (1983:106) is die gemiddelde lampersentasie van die
Merino boere 71 %, terwyl die gemiddelde lampersentasie van al die wolboere
(verskillende wolrasse) 74.3 % is. Weereens is hierdie studie gemik op ‘n bepaalde
gebied (die groter Burgersdorp omgewing) en nie op wolskaapboerdery in die
182