'n Kritiese evaluering na die effektiwiteit van bestuurstrategieë vir ...

• Verband/Afhanklikheid tussen die lampersentasies en die lamstelsel(s) wat
gebruik is.
3.3.3 Bestuurstrategie.
Die daarstelling van spesifieke bestuurstrategieë van skaapboere in die groter
Burgersdorp omgewing, is vanaf die data bepaal. Die algemene bestuurstrategie
van die verskillende tipes skaapboere (Merino; Döhne-Merino; Dorper en
Vleismerino) in elke hoof produksiegebied is sodoende omskryf.
3.4 DIE GEYER-REKENAARMODEL.
Die Geyer-rekenaarmodel het dit ten doel, om alle toepaslike inligting ten opsigte
van ‘n skaapboerdery, as ‘n spesifieke produksievertakking, in te sluit.
Dit is van belang, sodat die bruto marge van die vertakking bereken kan word.
Nadat al die inligting ten opsigte van die produksievertakking van ‘n spesifieke
skaapboer in die rekenaarmodel ingevoer is, sal dit moontlik wees om die bruto
marge te bepaal.
In kort sal die boer dus voorsien kan word van baie belangrike inligting, naamlik:
• die bruto produksiewaarde van die vertakking,
• die direk allokeerbare veranderlike koste van die vertakking,
• die bruto marge van die vertakking.
Die Geyer-rekenaarmodel sal dus gebruik word om die skaapbedryf (wol en vleis)
ekonomies te ontleed.
216