'n Kritiese evaluering na die effektiwiteit van bestuurstrategieë vir ...

• Bestuur is verder nodig om die onderneming in ewewig met sy
omgewing te hou.
Enersyds pas bestuur die onderneming by die omgewing aan deur
omgewingsverandering te akkommodeer. Andersyds poog bestuur om die
onderneming in ewewig met sy omgewing te hou, deur die omgewing so te
probeer verander dat die onderneming se doelwitte makliker bereik kan word.
• Bestuur is nie alleen nodig om die onderneming se doelwitte te bereik
deur die onderneming in ewewig te hou nie, maar ook om die doelwitte
op sinergistiese wyse en teen die hoogste moontlike
produktiwiteitspeil te bereik.
Bestuur poog dus om met die laagste moontlike toevoer (inset) van
produksiemiddele die hoogste moontlike opbrengs (uitset) te bereik.
Teen die agtergrond van die voorgaande inleidende bespreking kan bestuur
eenvoudig omskryf word as ‘n proses wat deur die bestuurders gevolg word, om die
onderneming of organisasie se doelwitte te bereik. (Cronje. 1997:95).
Boerderybestuur kan beskou word as die proses waardeur ‘n boer al die
produksiefaktore, naamlik grond, arbeid en kapitaal in sy boerderyonderneming
organiseer, beplan, motiveer, koördineer en beheer ten einde sekere doelwitte
soos maksimum wins, groei en ‘n verbeterde lewenstandaard te bereik. (Standard
Bank. 1988:2).
Volgens Standard Bank (1988:2) is die belangrikste bestuurselemente wat uit die
omskrywing van boerderybestuur navore kom:
• Boerderydoelwitte.
Die eerste taak van die boerderybestuurder is die bepaling en daarstel van
doelwitte vir sy boerderyonderneming. Doelwitte gee rigting aan die
boerderyonderneming, help met die beplanningsproses en stel die boer in staat
om te bepaal waar hy was en waarheen hy wil gaan. Doelwitte moet
180