'n Kritiese evaluering na die effektiwiteit van bestuurstrategieë vir ...

In die ondersoekgebied is die oorslaanpersentasie van ooie gemiddeld tussen
3.57 % en 7.16 %, terwyl die aborsiepersentasie van ooie gemiddeld tussen 0.15 %
en 0.66 % is. Die onderskeie lampersentasies wissel tussen 91.57 % en 116.23 %,
terwyl die speenpersentasies (werklik uitgewerk) wissel tussen 84.19 % en
110.64 %. In die ondersoekgebied verkies die meeste skaapboere lande
(weidings); klein troppie in klein kamp of die rondskuifstelsel (“drifting”) as
lamstelsels, hoewel dit voorkom asof die rondskuifstelsel meer gebruik word.
6.2.5 Ram aankope.
In die ondersoekgebied koop die meeste skaapboere ramme aan op gewone
veilings (nie veldramveilings). Dit is egter interessant dat die meeste skaapboere
sou verkies om ramme op veldramveilings aan te koop. Die meerderheid
skaapboere ondervind nie probleme met aangekoopte ramme nie. Dié skaapboere
wat wel probleme ondervind, het as die belangrikste probleem geïdentifiseer dat
aangekoopte ramme meestal sukkel om aan te pas by veldtoestande.
6.2.6 Dieregesondheid.
In die ondersoekgebied ent die meeste skaapboere hul skape teen Bloednier en
Bloutong gedurende ‘n normale en ‘n droë seisoen, hoewel Bloednier definitief die
grootste probleem in die ondersoekgebied is. Die meeste skaapboere dip teen die
Karoo-verlammingsbosluis en dip hul skape 1 maal tot 3 maal per jaar.
Die meeste skaapboere doseer teen Rondewurms, Lintwurms en Neuswurms
gedurende ‘n normale en ‘n droë seisoen, en doseer tussen 2 maal per jaar en 4
maal per jaar gedurende ‘n normale seisoen, of 2 maal per jaar gedurende ‘n droë
seisoen.
6.2.7 Voeding.
In die ondersoekgebied maak die meeste skaapboere gebruik van prikkelvoeding/-
weiding aan ooie tydens ‘n droë seisoen, maar nie tydens ‘n normale seisoen nie.
Prikkelvoeding word vir ‘n periode van tussen 3.40 weke en 5.33 weke gegee.
199