De Ambachtsheerlijkheid Kortenhoef

57
beseghelt mit onsen seghelen. Ghegheven in 't jaer Ons Heren dusent
drehoudert achtendeviertich, des Vridaghes na Sinte Philipes ende Sinte
J acobs-daghe.
Liber Pilosus. Biz. 75· Rijks-archief te Utrecht. (Vriendelijke mededeeling van den Zeer­
Eerw. Heer J. II. Hofman.)
N°. 7•
Alle denghenen die desen brief zellen zien of horen lesen, doe ic
verstaen Alfer van der Horst, knape, dat ic in pachte ontfanghen
hebbc van eersamen luden den deken ende capitel der kerken van
Sinte Marien t'Utrecht, tot tien jaren toe naestcomende na der daten
des briefs, hoer gerechten, tinze ende tienden, groet ende cleyne, van
Cortehoeven, Tankenvene, Horstwerde, Dorschervene ende Jndix-tienden,
(mit) egghen ende eynden, also alse ghelegen zijn ende si horen Goedshuze
van Sinte Marien voers. van outs toe behoert hebben ende toebehoren,
elx jaers om hondert ende vijftien goede oude gulden
Vrancrijcsche scilde, goet van goude, van volre ghewichten ende van
gherechter munten, oft paeyment daervoer, daer men ze in elker tijt
der betalinge om copen mach in der wissel binnen Utrecht, vrijs
ghel(t)s, te betalen ende vri ende commerloes te leveren binnen
Utrecht in bore montaden op minen cost, anxt ende arbeyt den
voers. heren van Sinte Marien ofte hoers cameraers indertijt, alse die
ene helfte tot Korsavont, nu naestcomende ende die ander helfte tot
Paeschen daernaest comende ofte binnen viertien daghen na elken
termine voers. onbegrepen, ende also voert jaerlix deze voers. tien
jaren uut, zonder enigherhande ofcortinghe ofte verminringhe des voers.
pachts van de cost ofte van enigherhande ongheval ofte onghelde, het
waer van tientrechte, waternoet, donre, blicsen, haghel, sne, reghen,
herenscattinghe, roef, brant, oerloghe ofte van anders enigherhande