RAPPOR T Evaluering av NVE sitt snøstasjonsnettverk

Vurdering av tekniske løsninger og Kapittel 4 Vurdering av klimatiske faktorar er ulike vurderingar
og utfordringar som NVE har hatt med sine snøputer diskutert.
På slutten av 2005 kom det signal frå leiinga i Hydrologisk avdeling om at snømålingar skulle vera ei
av avdelinga sine prioriterte oppgåver (Seierstad 2006). I 2006 kom difor planlegginga av 6 nye
stasjonar i gang. Dette gjeld stasjonane; 15.118.2 Skurdevikåi, 156.63.3 Lappsætra, 2.36 Øvre
Heimdalsvatn, 196.47.2 Øverbygd og 2.373 Grimsa. Desse stasjonane vart også ynskt i rapporten;
”Prioritering av stasjonsnett” (Tollan red. 2004).
For å forbetre og kvalitetssikre dei allereie eksisterande snøputestasjonane, vart det i ”Prioritering av
stasjonsnett” (Tollan red. 2004) anbefala at alle stasjonar skulle ha fylgjande instrumentering:
1. Snødjupsensor
2. Fleire, seriekopla snøputer
3. To trykkceller pr pute
Utbetring av målestasjonane med dette utstyret byrja i 2005.
I 2010 har det i NVE vorte utvikla ein ny standard snøpute som heretter vert kalla modell NVE2010.
Nærare beskriving av puta er gjeve i kapittel 1.2.1 Snøpute og måling av snøens vannekvivalent (SWE)
og Appendiks F Teknisk beskrivelse av snøpute type NVE2010. Gamle stasjonar som treng utskrifting
av pute vert oppgradert til type NVE2010. Firkantputa har dobbelt så stort areal som den gamle runde
puta med diameter på 2 m. Med eit større areal håpar ein å unngå noko av problemet med av-/pålasting
på grunn av skare og snøbruer og ein antek at puta vil måla meir korrekt snømengd.
1.2 Teknisk beskriving av snøputestasjonar frå 2010
Standard snøputestasjon for NVE har fylgjande parameter:
Lufttemperatur (NVE-parameter 17)
Snødjupsensor (NVE-parameter 2002)
Snøens vannekvivalent (NVE-parameter 2003)
Sekundærsensor snøens vannekvivalent (NVE-parameter 9106)
Spenning på batteri / solstrømanlegg (NVE-parameter 9100)
I tillegg kan stasjonen vera knytt opp til ein klimastasjon, stasjonar med målingar av grunn- og
markvatn, teledjup og/eller vassføring.
1.2.1 Snøpute og måling av snøens vannekvivalent (SWE)
NVE si standard snøpute frå og med hausten 2010 har fylgjande spesifikasjonar (NVE2010 modell):
Måleareal: 2,5 m x 2,5 m
Høgde: om lag 10 cm
Materiale: forsterka, fleksibel PVC duk
Innhald: 700 liter med vatn og glykol (70 % vatn, 30 % glykol-blanding)
Effektivt areal vert redusert når puta vert fylt med væske. Indre dimensjon på puta, eksklusivt ytre
skøyt, skal difor vera 2550 mm (Figur 2). Luftventilen på oversida skal plasserast på diagonalen, 550
mm x 550 mm frå hjørna. Ein røyrstuss, som skal passe til ein slange med diameter på 19 mm, skal
plasserast på undersida i same hjørne som luftventilen,
300 mm x 300 mm frå hjørnet (Figur 3). Røyrstussen skal koplas til eit røyrbend med retning ut mot
hjørnet. Alle koplingar som er i kontakt med glykolløysinga skal vera av rustfritt stål eller messing.
11