RAPPOR T Evaluering av NVE sitt snøstasjonsnettverk

snøputa til snøpakka i betydelig grad. Isolering under puta har enno ikkje vorte testa, men på 12.142
Bakko og på den eine firkantputa på 73.11 Kyrkjestøylane har det blitt montert ei plate over puta (sjå
Kap 3.1.7 Plate på snøpute). Plata er montert for å skape eit jamt trykk over heile puta, men den kan
også ha positiv innverknad for putas temperaturpåverknad på snøpakka. Ein antek at ved bruk av
snøvekt (sjå kap 5.1 Snøvekt) vil ein i stor grad unngå problemet.
I dag nyttar NVE kvit puteduk. Det har vorte vurdert å bruka duk med anna pigmentering av di den vil
kunne vera mykje meir UV-bestandig. Ein ulempe med dette kan vera at farga puteduk vil ved direkte
innstråling gje varmare duk og frostvæske enn ved ei kvit pute. Det kan gje for tidlig avsmelting på
puta i forhold til terrenget utanfor.
Om puta er nedgrave eller ikkje har truleg også innverknad på dei termodynamiske forholda mellom
snøpute og terreng. Det påverkar også snødjupet og snølegginga i området (sjå og kapittel 4.4
Grunnforhold).
4.2 Snø og isbruer
Ei snøpakka vil alltid vera lagdelt. Ofte finn ein også is og skarelag i snøpakka. Dette kan skuldast
kuldegrader etter ein mildvêrsperiode med smelting i overflata eller periodar med regn. Hyppigheita
av is og skarelag er avhengig av lokalt klima, og erfaring syner at lokalitetar med mange slike lag i
snøpakka gjer det problematisk å registrera snøens vannekvivalent med snøputer. Lagdelinga kan gje
trykkavlastningar i snøen slik at puta registrerar ”feil verdiar”. Figur 10 viser graf over SWE ved
stasjon 12.142 Bakko. Denne vinteren veit me at puta vart avlasta pga ein stor isklump midt oppå puta.
18.03.2010 vart snøputa her grave fri for snø. Når snøen vart lagt attende på puta umiddelbart etterpå
auka trykket til forventa nivå (sjå Appendiks K Stasjonsbefaring Bakko 2010).
Figur 10: Graf over SWE ved stasjon 12.142 Bakko (sjå Appendiks K Stasjonsbefaring Bakko 2010).
Ved tett oppfølging av data frå snøputestasjonane, data frå snødjupsensor, observatørar og andre
nærliggande stasjonar er det mogeleg å oppdaga store trykkavlastningar i snøpakka. Data prega av
66