RAPPOR T Evaluering av NVE sitt snøstasjonsnettverk

4.3 Lokalisering av snøputestasjon
For å finna ein god og representativ lokalitet for snøputer, må det gjerast grundige undersøkingar og
vurderingar. Området må undersøkjast på sommar og vinter, og det bør takast snøstrekk og manuelle
kontrollmålingar fleire vintrar i forkant for å finna ei eigna plassering. Tabell 2 gjev ei oppsummering
av viktige punkt å undersøkja når ein skal finna lokalitet til ny snøpute.
Tabell 2: Viktige sjekkpunkt for utplassering av ny snøpute
Klima
Snøfordeling
Vurdering av
vindforhold
Erfaring viser at snøputer får problem med korrekt måling av
vannekvivalent i område der temperaturen ofte ligg over 0 o C i løpet av
vinteren og/eller lokalitetar med stor vindtransport (sjå kap. 4.2 Snø og
isbruer). Tidsseriar over temperatur, nedbør og vind frå området vil difor
vera nyttig for å vurdera om området er disponert for stor lagdeling med
mange harde sjikt i snøpakka.
Snøstrekk og tettleiksmålingar må utførast i området før ein plasserar ut ei
snøpute.
Er snøen jamt fordelt?
Korleis er området under snøsmeltinga?
For å redusera vindtransport rundt puta er det ein fordel med
buskvegetasjon eller ei ”glenne i ein open skog”. Heilt flate område utan
vegetasjon har ofte stor vindpåverknad.
Puta bør plasserast i god avstand til store tre, steinar og hus som kan
påverka den naturlege akkumulasjonen og sublimasjonen. Ideell avstand
mellom instrument og næraste ”hinder” er mellom 2/3 og 3 gonger høgda
på ”hinderet” (CEN/TR 15996:2010).
Snødjupsensoren skal måle over puta. Mast for oppsett av sensoren vil
komma i konflikt med dette punktet. Ved bruk av mast med 60 mm
diameter ser ein likevel på denne påverkinga som lita, og fordelen med
bruk av snødjupsensor som måler snødjup på puta som større.
Terreng
Snøputa bør plasserast på ein flat lokalitet. Området må vera stort nok til at
ein kan ta representative kontrollmålingar og snøstrekk utan at ein
forstyrrar snøpakka ved snøputa.
Unngå fordjupningar og forhøgingar i terrenget. Ujamt terreng fører til
mykje fokksnø og ujamnt snødekke.
Det er viktig at området er tørt og sjølvdrenerande. Unngå våte myrer og
elvebreidder som kan flaume over i til dømes vårflaum.
Det er ein fordel å plassera putene i område der vegetasjonen er forholdsvis
konstant over ein lang periode som til dømes lyngområde
Helling
Ved å leggja snøputa i skuggeesida kan ein redusera lagdelinga i snøpakka
som er forårsaka av tining og smelting.
Området rundt puta må vera flatt slik at ein unngår ”snøkryping”.
Forstyrringar
Puta bør plasserast slik at den ikkje vert forstyrra eller øydelagt av
køyretøy, folk og dyr. Det er viktig å unngå skuterløyper, skiløyper,
71