RAPPOR T Evaluering av NVE sitt snøstasjonsnettverk

7 Datakvalitet
7.1 Datakontrollering
Gjennom prosjektet ”Gode Snødata” er det laga ein ny intern manual for korleis snøputedata skal
kontrollerast og kvalitetssikrast (Appendiks C Kvalitetskontroll av snødata). Føremålet med denne
prosedyren, er å sikra lik kvalitetskontroll av alle snødata som er lagra på Hydra 2 i NVE-arkiva
HYKVAL (timesdata) og HYDAG (døgndata). Dei ulike parametrane tilknytt snøputestasjonar vert
lagra på ulike arkiv som Tabell 4 syner.
Tabell 4: Oversikt over dei ulike arkiva som data frå snøputestasjonane endar opp på. Nokre stasjonar har mange fleire
parameter. Nærmare forklaring av dataflyten er gitt i Appendix C Kvalitetskontroll av snødata.
Parameter Namn Nemning Arkiv Forklaring
17 Lufttemperatur
o C HYTRAN Ukontrollerte timesdata
2002 Snødjup m HYDAG Kontrollerte døgndata. Finst også
som kontrollerte timesdata på
HYKVAL
2003 Snøens
vannekvivalent
9106 Sekundær
snøens
vannekvivalent
mm HYDAG Kontrollerte døgndata. Finst også
som kontrollerte timesdata på
HYKVAL
mm HYTRAN Ukontrollerte timesdata
Anbefalt tidsoppløysing for snø er 1 døgn ved kontinuerlege målingar og 3-4 gonger i løpet av
vinteren for manuelle målingar (Petterson red. 2003).
Snødata er kontrollert etter same prinsipp som vasstandsdata. Timesdata bør sjåast på som ei
punktmåling og skal visa kva snøputa/snødjupsensoren faktisk måler gjennom vintersesongen. Dei er
hovudsakeleg korrigert for målefeil pga instrumentsvikt, manglande nullstilling og korrigering for feil
i sommarverdiar. Døgndata skal vera representative for eit større område enn sjølve puta. Dette betyr
at fjerning av snøbruer, ifylling av hol i vannekvivalent frå snødjup osv. utelukkande er gjort på
døgndata. Snøputedata er kun korrigert for islag-skarelag dersom me er sikker på at dette har førekome
ut frå direkte observasjonar i felt. Data som ein antek er veldig forstyrra av lagdeling i snøpakka er
ikkje overført til hydag.
7.1.1 Kontroll av parameter 2002: Snødjupsensor
Dei fyste snødjupsensorane som vart tekene i bruk av NVE hadde ikkje innebygd
temperaturkorrigering. Det har vist seg at snødjup-data som ikkje er temperaturkorrigert vert hakkete
og kan få store avvik frå reelt snødjup (sjå Kap 3 Vurdering av tekniske løsninger). Det er difor
naudsynt å gjera temperaturkorrigering av snødjup i databasen, dersom det ikkje kan bli gjort i
sensoren eller i loggaren.
Temperaturkorrigert snødjup-data er ein data serie, og dataflyten går som fylgjer:
- Rådata vert lagra på måleserie 9202.1
- Temperaturkorrigerte snødjupdata er lagra som ein dataserie med parameter 2002.2. Denne
dataserien skal overførast via kvaliteteskontroll til HYDAG.
93