RAPPOR T Evaluering av NVE sitt snøstasjonsnettverk

7.2 Resultat frå datakontroll
Data frå snøputene (SWE) er ferdigkontrollerte fram til hausten 2010. I Appendiks B, Døgndata alle
NVEs snøputer, ligg dataseriane for alle putene i HYDAG, med tilhøyrande kontrollpunkt. Det ligg
korte kommentarar frå datakontrollen for kvar sesong. Ein sesong går frå snølegging til snøfritt. Under
kapittel 2 NVE sitt operasjonelle stasjonsnett ligg ein generell kommentar på datakvaliteten frå dei
ulike putene, og ei enkel vurdering av kvar enkelt snøputestasjon på bakgrunn av dette.
I Tabell 5 er det gitt ei oppsummering frå gjennomgangen av data frå NVE sine stasjonar. Data frå
kvar snøputesesong vert sortert i ulike kategoriar. Enkelte sesongar har hamna i meir enn ein kategori
fordi dei høyrer heime i begge.
Kategorien ”Sesongar med gode data” er sesongar kor kontrollpunkt og puteverdi stemmer bra. I
tillegg har gamle sesongar med data frå tida kor det vart brukt flottør og limnigraf hamna i ”Sesongar
med gode data”. Desse dataene er manuelt lagt inn i databasen, og vorte kontrollert og godkjent. Dei
vert difor sett på som gode data. For sesongar utan kontrollpunkt, kor nærliggande snødjupsensor eller
pute syner same utvikling, og sesongen ikkje er prega av plutselege dropp eller unaturlige spikrar, har
sesongen vorte satt som god.
I kategorien ”Sesongar med tekniske problem” hamnar sesongar med punktert pute, problem med
loggar eller dataoverføring som har ført til tap av data og sesongar der ein veit at sensorar har vore
defekte. Store delar av sesongen kan likevel ha gode data. Sesongen har då hamna både i kategorien
”gode data” og i kategorien ”tekniske problem”.
I kategorien ”Sesongar med mange is/skarelag” har sesongar som tydeleg har vore prega av dette
hamna.
Det er i enkelte tilfeller vanskeleg å avgjera kva kategori ein sesong skal hamna i. Det vil difor vera
grader av subjektivitet og tabellen gjev difor ikkje absolutte tal. Det vil likevel vera mogleg å sjå
tendensar til kva puter som er verdfulle på grunn av mykje gode data, kva puter ein reknar med har
problem med is/skarelag ofte, og kva puter som har problem som skuldast måleutstyr.
96