Untitled - Concello de Camariñas

Concello de CAMARIÑAS
Plan Xeral de Ordenación Municipal (P.X.O.M)
Parroquia: PONTE DO PORTO (San Pedro)
ALEGACIÓN Nº: 314 DATA: 11/05/2009 Rexistro de entrada nº: 2809
Asinada por: ; SOLEDAD MARTÍNEZ REY
Solicítase:
Dª Soledad Martínez Rey, con DNI nº 76303455-N, con enderezo en Ponte do Porto, (Camariñas), alega que a súa vivenda,
identificada no documento urbanístico que nos ocupa como “Casa da rúa Gandariña nº 15” (A_018 no Catálogo do PXOM);
1.- Considera excesivo o grao de protección ESTRUTURAL, que figura na ficha individual, ao tempo que solicita a súa exclusión do
Catálogo do PXOM.
2.- Solicita a exclusión da área de planeamento remitido APR-B6 ao tempo que solicita a clasificación como solo urbano consolidado
dentro da ordenanza 3a.
3.- Solicita a modificación da aliñación da edificación da estrada A Ponte do Porto- Camariñas.
Resposta:
1.- O equipo redactor considera apropiado rebaixar o grao de protección da vivenda identificada coa clave A_018 no Catálogo do
PXOM, polo que figurará no documento definitivo con grao de protección AMBIENTAL. Con todo o equipo redactor considera que
existen motivos máis que suficientes (tipoloxía, antigüidade, configuración morfolóxica, situación urbana, etc...) que xustifican a
inclusión da vivenda referida no Catálogo do PXOM.
Tanto a administración local como a autonómica teñen potestade legal para arbitrar medidas (fiscais, económicas...) orientadas a
promover a recuperación do patrimonio cultural. De feito as consellerías de Política Territorial e Infraestruturas, así como a de
Cultura e Turismo, fan públicas todos os anos convocatorias destinadas a facilitar e impulsar a recuperación do patrimonio incluído
no planeamento urbanístico municipal.
2.- O terreo non pode cambiar a clasificación e saír da A.P.R. pois o planeamento prevé nese terreo, unha reforma interior mediante
a apertura de viario que mellore o artellamento da trama urbana acorde coas previsión de crecemento da zona.
O artigo 12.b. da L.O.U.G., inclúe na categoría de Solo Urbano Non Consolidado, “...en todo caso, os terreos nos que sexan
necesarios procesos de urbanización, reforma interior, renovación urbana ou obtención de dotacións urbanísticas con distribución
equitativa de beneficios e cargas ...”
A parcela entra dentro do suposto definido no artigo 12.b. da L.O.U.G., polo que se desestima a súa alegación neste punto e
mantense a clasificación de Solo Urbano Non Consolidado dentro da A.P.R. reflectida nos planos de ordenación.
3.- Non se pode proceder a variar a aliñación solicitada, pois a parcela está atravesada pola estrada autonómica AC-432 da rede
primaria complementaria. Neste tipo de vías, e segundo o artigo 35.c. da lei 4/1994, de estradas de Galicia, a liña límite da
edificación sitúase a 9,5 metros a partir da área exterior da explanación.
Ademais o plan prevé nesta rúa a aplicación da ordenanza 1b, de baixo e dúas plantas que permite un incremento da altura
existente. O artigo 48.5. da Lei 15/2004, do 29 de Decembro de modificación da Lei 9/2002, do 30 de Decembro, de Ordenación
Urbanística e Protección do Medio Rural de Galicia, especifica nas Normas de Calidade Urbana que “o planeamento urbanístico
deberá fixar a altura máxima das edificacións en proporción ao ancho das vías e espacios libres, de modo que queden garantidas as
mellores condicións de asolamento e ventilación natural das vivendas”.
O ancho da estrada actual é o axeitado para o tipo de vía que é rede primaria complementaria e a tipo de edificación que soporta,
polo que non vai a modificarse.
Estimacion: Desestimada
ALEGACIÓN Nº: 315 DATA: 11/05/2009 Rexistro de entrada nº: 2810
Asinada por: ; MARÍA ISABEL MÉNDEZ CASTIÑEIRA
Solicítase:
Ver orixinal da alegación
Parroquia: CAMARIÑAS (San Xurxo)
Resposta:
O terreo clasificado como Solo Urbano Non Consolidado e incluído na área de planeamento remitido A.P.R- alegada pasa a ser
incluída dentro da categoría de Solo Urbano Consolidado, de acordo co exposto no artigo 11 e o 12.a da Lei 15/2004, do 29 de
Decembro de modificación da Lei 9/2002, do 30 de Decembro, de Ordenación Urbanística e Protección do Medio Rural de Galicia.
Estimacion: Estimada
Consultora Galega S.L. Informe de Alegacións