Untitled - Concello de Camariñas

PLAN XERAL DE ORDENACIÓN MUNICIPAL DE CAMARIÑAS
Documento para Aprobación Definitiva
En sintonía co indicado no punto anterior, os dous núcleos citados teñen xa o seu calculo de
consolidación, e en todo caso nas zonas situadas en ámbito de servidume de protección
estarán supeditadas ao cumprimento das limitacións que sexan de aplicación da Lei de
Costas, tal e como se indica nas súas fichas de ordenación e nas propias ordenanzas da
edificación.
2.4.-SOLO URBANIZABLE (Apartado 9. do documento).
Clasifícanse como solo urbanizable ámbitos que se atopan na zona de servidume de
protección, contravindo o carácter regrado do solo rústico de protección de costas definido no
artigo 32. 2 e) da Lei 9/2002, de ordenación urbanística e protección do medio rural de Galicia.
sen prexuízo da súa redución excepcional a 100 m.
Procedese a eliminar de solo urbanizable todas aquelas zonas destes ámbitos que se
atopaban en zona de protección para clasificarse como solo rústico, ou como solo urbano
(naqueles casos concretos en que xa estaban así clasificados na DSU de 1981). A respecto da
súa situación a menos de 200 m. do mar, compre sinalar que diante deles (entre a costa e os
citados solos urbanizables) existen terreos clasificados como urbanos (pola DSU de 1981)
antes da entrada en vigor da Lei de Costas en 1988, por tanto está xustificada esta
circunstancia excepcional, que deberá ser valorada pola Comisión Superior de Urbanismo de
Galicia.
2.5. Condicións específicas do solo de protección de costas (apartado 8.7.3).
Compre delimitar con claridade o significado de "zona litoral", así pomo explicitar que na zona
de servidume de protección do DPM será aplicable o previsto no Titulo II da Lei de Costas e o
Regulamento e disposición transitoria 4ª da Lei e 12ª e 13ª do Regulamento; e no dominio
público marítimo-terrestre, aplicaráselle ó réxime de usos previsto no Titulo III da Lei de Costas
e do seu Regulamento sen prexuízo de que poidan establecerse maiores limitacións.
Procedese a eliminar as citas ambiguas a "zona litoral", así como a simplificar o texto citando
os preceptos aplicables da Lei de Costas que se citan.
3. PREVISIÓNS DO PXOM,
3.1.-Concordancia coa lexislación de costas. SOLOS URBANIZABLES e EQUIPAMENTOS.
Advírtense varias determinacións do Plan non concordantes coa normativa de costas, en
concreto, co réxime propio da zona de servidume de protección do DPMT:
No núcleo de Camariñas, parte do solo urbanizable residencial delimitado UDR-A3 e do solo
urbanizable residencial non delimitado UNDR-D1 no núcleo de Arou, sitúanse en zona de
servidume de protección e ocupan terreos a menos de 200 m dende o límite interior da ribeira
do mar.
Xa se ten indicado nun punto anterior que procedese a eliminar de solo urbanizable todas
aquelas zonas destes ámbitos que se atopaban en zona de protección (e para elo o ámbito
UNDR-D1 debe cualificarse agora como solo urbanizable delimitado coa clave UDR-D1, pois
logo da redución queda cunha superficie inferior a 20.000 m 2 , que sería inviable en non
delimitado polas limitacións e restricións da LOUG, pero si e posible en delimitado, por
atoparse contiguo ao solo urbano). A respecto da súa situación a menos de 200 m. do mar,
tamén se sinalaba que diante deles (entre a costa e os citados solos urbanizables) existen
terreos clasificados como urbanos (pola DSU de 1981) antes da entrada en vigor da Lei de
Costas en 1988, por tanto está xustificada esta circunstancia excepcional, que se someterá a
valoración pola Comisión Superior de Urbanismo de Galicia.
O UNDR-B1 nas Barrosas e o UNDR-C1 en Camelle non invaden zona de servidume de
protección; porén ocupan terreos a menos de 200 m dende o límite interior da ribeira do mar. A
posibilidade de clasificar solo urbanizable a menos dos 200 m dende a ribeira do mar queda
supeditada ao informe favorable da Comisión Superior de Urbanismo de Galicia: e así mesmo
no ámbito afectado pola servidume de 100 m non é posible a edificación residencial (artigo 25
da Lei de Costas).
consultora galega s.l. INFORME PARTICIPACIÓN 18
Outubro 2012