Untitled - Concello de Camariñas

PLAN XERAL DE ORDENACIÓN MUNICIPAL DE CAMARIÑAS
Documento para Aprobación Definitiva
Respecto dos solos urbanizables delimitados e non delimitados, advírtense discordancias de
datos entre as fichas dos ámbitos recollidos nos tomos II e III da normativa, sendo estes
últimos os que coinciden coa representación en plano. Resultan dentro da zona de influencia
a totalidade dos solos urbanizables delimitados, tanto industriais. SUDI-A1 (Camariñas) e
SUDI-B1 (Ponte do Porto), como residenciais, SUDR-A1, A2 e A3 (Camariñas) e SUDR-B2
(Ponte do Porto). Como o PXOM non incorpora a ordenación detallada, recoméndase que se
faga mención da súa situación na zona de influencia nas respectivas fichas, precisando como
criterio de ordenación o evitar a acumulación de volumes e a formación de pantallas
arquitectónicas cara ó litoral, cuestión que será verificada nos informes previstos no artigo 117
da Lei de Costas.
A respecto dos datos discordantes procédese a eliminar as fichas que estaban na normativa
(que estaban desfasadas), e quedan as válidas (Documento de Xestión). A respecto dos solos
urbanizables situados dentro da zona de influencia, procédese a facer mención da súa
situación nesta zona de influencia nas respectivas fichas, precisando como criterio de
ordenación o evitar a acumulación de volumes e a formación de pantallas arquitectónicas cara
ó litoral.
Nos núcleos de Camelle, Arou, Camariñas e Ponte do Porto proponse o establecemento de
Ordenanzas de solo urbano sobre áreas que non tiñan esta clasificación á entrada en vigor da
Lei de costas e nos que, polo tanto. débese xustificar o cumprimento dos criterios da zona de
influencia. Polo xeral trátase de ámbitos lineais vencellados ás vías de acceso aos anteditos
núcleos, entre os que deben subliñarse os seguintes:
- En Camelle, na rúa Rociñas, no treito que se estende máis cara ao norte da delimitación
da DSU de 1981. coa Ordenanza 3a, e ao longo da estrada AC-1601, en dirección a
Ponte do Porto, coa Ordenanza 2ª.
- En Camariñas, na mesma estrada anterior, en dirección a Ponte do Porto, tras a
servidume da Praia de Area da Vila, proponse a Ordenanza 3ª.
- En Ponte do Porto, ao longo da estraba AC-432 en dirección a Camariñas proponse a
aplicación das Ordenanzas 3a e 2b.
Procedese a modificar a ordenanza de aplicación nas zonas que se citan para demostrar
mellor o cumprimento das condicións citadas, pasándose maioritariamente a ordenanza 3a, e
incluso axústase a definición desta ordenanza para baixar a súa edificabilidade máxima (a 0,5
m 2 /m 2 ) por baixo da resultante da media do solo urbanizable do termo municipal (0,55 m 2 /m 2 ),
pois a limitación do número de posibles adosados (establécese un máximo de 5 acaroados
xuntos) xa impide a formación de pantallas arquitectónicas cara ó litoral.
En tramos con praia e con acceso de tráfico rodado deben preverse reservas de solo para
aparcamento de vehículos en contía suficiente fóra da zona de servidume. Isto acontece nas
praias de Arou, Camelle e Area da Vila (Camariñas).
En referencia a previsión de prazas de aparcamento nos tramos de praia de Arou, Camelle e
Area da Vila considerase suficiente a oferta actual destas dadas as características destes
areais. Nos tres casos citados non se atoparon emprazamentos mellores (fora da zona de
servidume citada) que as zonas de aparcamento xa existentes nesas zonas, por tanto
mantéñense as existentes, decisión baseada nos seguintes razoamentos:
Nos tres casos estamos a falar de areais moi próximos aos ámbitos urbanos, polo que o
número de desprazamentos en vehículos privados dos potenciais usuarios redúcese
considerablemente.
O mesmo ocorre se temos en conta a morfoloxía dos areais, que teñen nos tres casos unhas
dimensións modestas e polo tanto un aforo bastante limitado.
No caso da Praia de Area da Vila, a carón do núcleo de Camariñas, tratase duna areal
eminentemente urbano, e moi próximo a estrada AC- 432, que conta coa suficiente reserva de
prazas de aparcamento nas súas marxes para satisfacer a previsible demanda estacional,
consultora galega s.l. INFORME PARTICIPACIÓN 20
Outubro 2012