Untitled - Concello de Camariñas

Concello de CAMARIÑAS
Plan Xeral de Ordenación Municipal (P.X.O.M)
ALEGACIÓN Nº: 541 DATA: 14/05/2009 Rexistro de entrada nº: 3103
Asinada por: ; MARÍA CARMEN POUSO CUÍÑAS
Solicítase:
Ver orixinal da alegación
Parroquia: CAMARIÑAS (San Xurxo)
Resposta:
No lugar do Cotariño (parroquia de Camariñas) vén de restaurarse un conxunto tradicional co obxecto de acoller o primeiro hotel
rústico do concello de Camariñas. Este complexo está conformado por tres pequenas casas tradicionais que definen un conxunto de
turismo rural illado antano destinado a vivendas e cortes. Os módulos foron rehabilitados cun considerable respecto aos patróns
arquitectónicos tradicionais. No seu contorno sitúase un xardín de 2.500 metros cadrados e, máis alá, un val callado de eucaliptos,
piñeirais e milleirais.
No mesmo lugar levántanse un par de hórreos declarados Bens de Interese Cultural (BIC), que foron incluídos no Catálogo do PXOM
en fase de redacción coa clave E_022 por contribuír de xeito relevante a valorizar este pequeno casal tradicional. O contorno de
protección destes exemplos de arquitectura adxectiva coincide coa delimitación do Núcleo Rural Tradicional (NRT) que define o
PXOM en fase de redacción.
A maiores, a 85 m ao SE deste lugar sitúase o contorno de protección integral do Castro do Cotariño (GA15016001), e a 0 metros a
zona de respecto do mesmo xacemento. Este antigo asentamento castrexo é o locus prehistórico máis relevante e mellor
conservado do concello, o que o converte nun espazo prioritario desde o punto de vista da protección patrimonial e da valorización
turística, de aí que o equipo redactor aposte por preservar ao máximo os valores paisaxísticos e construtivos tradicionais, limitando
novos desenvolvementos edificatorios que distorsionen os valores actuais.
Estimacion: Desestimada
ALEGACIÓN Nº: 542 DATA: 14/05/2009 Rexistro de entrada nº: 3104
Asinada por: ; MARIA VICENTA TAJES ALBORES
Solicítase:
Ver orixinal da alegación
Parroquia: CAMARIÑAS (San Xurxo)
Resposta:
Estudiada a súa alegación, non é posible a súa aceptación pois a parcela entra dentro dos supostos definidos no artigo 12.b. da Lei
15/2004, do 29 de Decembro de modificación da Lei 9/2002, do 30 de Decembro (a L.O.U.G.).
O artigo 12.b. da L.O.U.G., inclúe na categoría de Solo Urbano Non Consolidado, “...en todo caso, os terreos nos que sexan
necesarios procesos de urbanización, reforma interior, renovación urbana ou obtención de dotacións urbanísticas con distribución
equitativa de beneficios e cargas ...”
A parcela entra dentro deste suposto, pois o planeamento prevé para esta área, unha reforma interior coa obtención do solo
necesario para vías, espacios libres, zonas verdes e dotacións publicas que mellore o artellamento da trama urbana acorde coas
previsión de crecemento da zona.
Na APR-A5 na que se sitúa a parcela, ademais da vía que foi cedida no seu tempo, tal e como indica o alegante, vese precisa a
reserva de superficie de solo para os sistemas locais en relación o artigo 47.2. da L.O.U.G.
En base ao exposto, desestímase a súa alegación e mantense a clasificación de Solo Urbano Non Consolidado dentro da A.P.R.
reflectida nos planos de ordenación.
Estimacion: Desestimada
ALEGACIÓN Nº: 543 DATA: 14/05/2009 Rexistro de entrada nº: 3105
Asinada por: ; CARMEN PEREZ ROMAR
Solicítase:
Ver orixinal da alegación
Parroquia: CAMELLE (Divino Espiritu Santo)
Resposta:
Estudiada a súa alegación o equipo redactor considera que non se pode variar a aliñación da vía para axustarse ao alpendre
propiedade do alegante, pois reduciría puntualmente o ancho da vía a menos de 5 metros. Dende o P.X.O.M búscase un trazado do
viario regular e cunhas dimensións axeitadas ao tipo de edificación e ao crecemento que se prevé para a vila de Camariñas.
Estimacion: Desestimada
Consultora Galega S.L. Informe de Alegacións