Untitled - Concello de Camariñas

Concello de CAMARIÑAS
Plan Xeral de Ordenación Municipal (P.X.O.M)
Parroquia: CAMARIÑAS (San Xurxo)
ALEGACIÓN Nº: 501 DATA: 14/05/2009 Rexistro de entrada nº: 3063
Asinada por: ; MARIANO VIDAL ALBORES
Solicítase:
Dº Mariano Vidal Alborés, con DNI nº 32324179-W, con enderezo na Praza de Colón nº 10, 15123, Camariñas (A Coruña) en
representación propia alega que:
1.- A finca identificada pola alegante na cartografía adxunta aparece incluída no ámbito do PEPRI da vila de Camariñas,
circunstancia coa que manifesta desconformidade.
Resposta:
1.- O equipo redactor, en aplicación do art. 69 e ss da Lei 9/2002 do 30 de decembro de Ordenación Urbanística e Protección do
Medio Rural de Galicia, coas modificación derivadas da Lei 15/2004 do 29 de decembro, considera que a exclusión do PEPRI de
Camariñas da finca referida polo alegante suporía unha devaluación dos valores arquitectónicos orixinais deste núcleo tradicional
mariñeiro, toda que vez que se inclúe nunha área xeográfica homoxénea e coherente, cunha morfoloxía do núcleo de poboación
orixinal que dá coherencia tipolóxica ás súas edificacións, etc., polo que se debe ser o PEPRI o responsable de ordenar e protexer
con máis especificación este núcleo tradicional baixo os parámetros xerais establecidos pola devandita lei.
2.- A inclusión desta finca neste ámbito non só supón a asunción das obrigas que o futuro PEPRI estableza, senón tamén dos
dereitos (subvencións, axudas, asesoramento técnico, etc...) que lles corresponden.
3.- O equipo redactor considera apropiado rebaixar o grao de protección da vivenda identificada coa clave A_096 no Catálogo do
PXOM, polo que a partir de agora figurará no documento definitivo con grao de protección AMBIENTAL, mais considera
desapropiado excluíla do devandito documento por canto se adscribe claramente a unha tipoloxía tradicional recoñecible e propia da
vila mariñeira de Camariñas en aplicación do art. 75.2 da Lei 9/2002 do 30 de decembro de Ordenación Urbanística e Protección do
Medio Rural de Galicia, coas modificación derivadas da Lei 15/2004 do 29 de decembro.
Estimacion: Parcialmente estimada
Parroquia: CAMELLE (Divino Espiritu Santo)
ALEGACIÓN Nº: 503 DATA: 14/05/2009 Rexistro de entrada nº: 3065
Asinada por: ; XURXO M. RODRÍGUEZ BAÑA
Solicítase:
Dº Xurxo M. Rodríguez Baña, con DNI nº 32669531-D, con enderezo na rúa da Águia nº 11, 1º B, Arillo-Oleiros, alega que
1.- A vivenda identificada co nº postal 62, incluída na ficha de catálogo A_136, forma parte indebidamente dun conxunto de tres (3)
vivendas máis que gozan de idéntico nivel de protección.
Resposta:
1.- O equipo redactor reconsiderou a súa inicial asignación de graos de protección, decidindo outorgar a este conxunto, incluída a
vivenda referida polo alegante, un grao de protección AMBIENTAL.
2.- O equipo redactor considera que a vivenda referida, por si mesma, carece dos valores arquitectónicos necesarios para gozar
dunha protección individual, crendo conveniente incluíla nun conxunto de vivendas entre medianeiras de tipoloxía “da beira da
estrada” segundo a bibliografía especializada na medida en que ambas as tres presentan unha tipoloxía, altura, cromatismo, volume,
e disposición/ordenación de ocos semellante.
3.- O estudo do marco referencial de orixe da edificación é esixible para todas as vivendas incluídas no Catálogo do PXOM, con
independencia de se figuran nel de forma individual ou como conxunto.
Agradecemos sinceramente a súa preocupación pola protección do patrimonio cultural de Camariñas, ao noso xuízo, un dos piares
básicos sobre os que se debe asentar o futuro desta vila da Costa da Morte.
Estimacion: Desestimada
ALEGACIÓN Nº: 504 DATA: 14/05/2009 Rexistro de entrada nº: 3066
Asinada por: ; LUIS MIGUEL SUÁREZ PÉREZ
Solicítase:
Ver orixinal da alegación
Parroquia: CAMELLE (Divino Espiritu Santo)
Resposta:
Estudiada a súa alegación e, unha vez feitas as comprobacións oportunas, o equipo redactor procede á corrección das aliñacións
referidas polo alegante. As correccións oportunas aparecen reflectidas dentro da planimetría do P.X.O.M.
Estimacion: Estimada
Consultora Galega S.L. Informe de Alegacións