Untitled - Concello de Camariñas

Concello de CAMARIÑAS
Plan Xeral de Ordenación Municipal (P.X.O.M)
ALEGACIÓN Nº: 225 DATA: 06/05/2009 Rexistro de entrada nº: 2620
Asinada por: ; DOLORES GARROTE MARTINEZ
Solicítase:
Ver orixinal da alegación
Parroquia: CAMARIÑAS (San Xurxo)
Resposta:
No lugar do Cotariño (parroquia de Camariñas) vén de restaurarse un conxunto tradicional co obxecto de acoller o primeiro hotel
rústico do concello de Camariñas. Este complexo está conformado por tres pequenas casas tradicionais que definen un conxunto de
turismo rural illado antano destinado a vivendas e cortes. Os módulos foron rehabilitados cun considerable respecto aos patróns
arquitectónicos tradicionais. No seu contorno sitúase un xardín de 2.500 metros cadrados e, máis alá, un val callado de eucaliptos,
piñeirais e milleirais.
No mesmo lugar levántanse un par de hórreos declarados Bens de Interese Cultural (BIC), que foron incluídos no Catálogo do PXOM
en fase de redacción coa clave E_022 por contribuír de xeito relevante a valorizar este pequeno casal tradicional. O contorno de
protección destes exemplos de arquitectura adxectiva coincide coa delimitación do Núcleo Rural Tradicional (NRT) que define o
PXOM en fase de redacción.
A maiores, a 85 m ao SE deste lugar sitúase o contorno de protección integral do Castro do Cotariño (GA15016001), e a 0 metros a
zona de respecto do mesmo xacemento. Este antigo asentamento castrexo é o locus prehistórico máis relevante e mellor
conservado do concello, o que o converte nun espazo prioritario desde o punto de vista da protección patrimonial e da valorización
turística, de aí que o equipo redactor aposte por preservar ao máximo os valores paisaxísticos e construtivos tradicionais, limitando
novos desenvolvementos edificatorios que distorsionen os valores actuais.
Estimacion: Desestimada
ALEGACIÓN Nº: 226 DATA: 06/05/2009 Rexistro de entrada nº: 2626
Asinada por: ; HEREDEIROS DE JAIME ROMAR MARTÍNEZ
Solicítase:
Ver orixinal da alegación
Parroquia: CAMELLE (Divino Espiritu Santo)
Resposta:
Estudiada a súa alegación o equipo redactor considera que:
Os terreos clasificados como Solo Urbano Non Consolidado e incluído nas áreas de planeamento remitido APR-C1 e APR-C2, non
pode cambiar a súa clasificación pois a parcela non cumpre cos requisitos esixibles no artigo 12 da Lei 15/2004, do 29 de Decembro
de modificación da Lei 9/2002, do 30 de Decembro (a L.O.U.G.).
O artigo 12.b. da L.O.U.G., inclúe na categoría de Solo Urbano Non Consolidado, “...en todo caso, os terreos nos que sexan
necesarios procesos de urbanización, reforma interior, renovación urbana ou obtención de dotacións urbanísticas con distribución
equitativa de beneficios e cargas ...”.
A parcela entra dentro do suposto definido no artigo 12.b. da L.O.U.G., pois o planeamento prevé nese terreo, unha reforma interior
mediante a apertura de viario que mellore o artellamento da trama urbana acorde coas previsión de crecemento da zona.
As dimensións do viario do acordo entre propietarios exposto na alegación son insuficientes para o tipo de desenvolvemento que se
prevé para esta zona. Propóñense 6 metros de ancho fronte aos 10 metros que marca o P.X.O.M. Ademais, a dimensións das
parcelas (fronte e superficie) plantexadas na reparcelación deste acordo, considéranse insuficientes para ser edificables.
En base ao exposto, desestímase a súa alegación e mantense a clasificación de Solo Urbano Non Consolidado dentro da A.P.R.
reflectida nos planos de ordenación.
Estimacion: Desestimada
ALEGACIÓN Nº: 227 DATA: 06/05/2009 Rexistro de entrada nº: 2627
Asinada por: ; MARIA BAÑA SONEIRA
Solicítase:
Ver orixinal da alegación
Parroquia: CAMELLE (Divino Espiritu Santo)
Resposta:
Estudiada a súa alegación, o equipo redactor procede ao cambio de clasificación dos terreos da APR-C5 de Solo Urbano Non
Consolidado a Solo Urbano Consolidado, de acordo co exposto no artigo 11 e o 12.a da Lei 15/2004, do 29 de Decembro de
modificación da Lei 9/2002, do 30 de Decembro, de Ordenación Urbanística e Protección do Medio Rural de Galicia.
O equipo redactor modifica as rúas previstas na APR-C5 respectando o viario e acordo entre propietarios existente, as modificacións
previstas aparecen reflectidas no plano de ordenación correspondente.
Estimacion: Estimada
Consultora Galega S.L. Informe de Alegacións