Nôvambra - The Church of Jesus Christ of Latter-day Saints

teo aloha. Notendrena hitantana ilay
fandaharan’ asa sy hiara-hiasa amin’
ny Rahavavy Tanner sy ireo mpanonta
ary ireo misahana ny haifandrariana
sy ireo hafa Rahavavy Beck sy ireo
mpanolotsainy, Silvia H. Allred sy Barbara
Thompson, mba handrafetana ny
lamin’ asa amin’ ny alalan’ ny fanahin’
ny fanambarana. “Tsy mbola niasa tao
anatin’ ny tetik’ asa iray aho hatramin’
izay izay nahitana ny fitarihan’ ny Fanahy
bebe kokoa mihoatra noho ity,”
hoy Rahavavy Beck.
Tao anatin’ izany dingana narahana
izany dia nahitana ny fanapahana
hevitra mikasika ny hoe firy amin’ ireo
pejy an’ arivorivony mifono tantara
ireo no tokony ho ampidirina ao
amin’ ilay boky. Namaky ireo tatitry
ny fivorian’ ireo Fikambanana Ifanampiana
fahiny tany Nauvoo sy ireo
tantara hafa mikasika ny Fikambanana
Ifanampiana sy ny vehivavin’ ny
Fiangonana ny Rahavavy Beck sy ireo
mpanolotsainy ary Rahavavy Tanner.
Nilaza ny Rahavavy Beck fa ny vokatra
azo dia tsy tantara manokana milahatra
ara-banim-potoana fa kosa tantara
ara-panahin’ ireo vehivavin’ ny Fiangonana
sy Fikambanana Ifanampiana.
“Mandalina ny tantarantsika isika satria
manampy antsika hiova izany,” hoy
ny Rahavavy Beck nandritra ny lahateny
nataony tamin’ ny fivoriamben’ ny Fikambanana
Ifanampiana maneran-tany
tamin’ ny Septambra 2010. “Amin’ ny
farany, ny hasarobidin’ ilay tantara dia
tsy any amin’ ny daty na fotoana na ny
toerana nisehoan-javatra loatra. Sarobidy
izany satria mampianatra antsika ireo
fitsipika, tanjona, ary lamina izay tokony
ho arahintsika. Izany dia manampy
antsika hahafantatra hoe iza moa isika
ary inona no tokony hataontsika ary
mampiray hina antsika amin’ ny fanamafisana
orina ny tokantranon’ i Ziona sy
fanorenana ny fanjakan’ Andriamanitra
ety an-tany” (“Daughters in My Kingdom:
The History and Work of Relief
Society,” Liahona Nôv. 2010, 115).
Raha toa ilay boky ka manaraka ny
fisehon-javatra ara-banim-potoana, ny
fampianarany kosa dia narindra ho
anatin’ ny toko izay mifototra amin’ ny
lohahevitra. Mampiasa tantara sy ohatra
avy amin’ ny soratra masina izany
ary ireo tenin’ ny mpaminany sy mpitarika
ny Fikambanana Ifanampiana
amin’ izao andro izao mba hampianarana
ireo hafany manan-danja.
Ny Hery Mitaona avy amin’ ilay Boky
Nilaza ny Rahavavy Beck fa amin’
ny alalan’ ilay boky dia hianatra ny
fomba entina manatanteraka ny tanjon’
ny Fikambanana Ifanampiana eo
amin’ ny fiainany manokana sy amin’
ny maha-mpirahavavy izay mpanaradia
mitandrina fanekempihavanana
azy ireo rahavavy.
“Hianatra ny tena dikan’ ny fampitomboana
finoana sy fiainana am-pahamarinana
izy ireo, ny fanamafisana orina
ny fianakaviana sy ny tokantrano ary
ny fitadiavana sy fanampiana ireo hafa
izay mila fanampiana,” hoy ny Rahavavy
Beck nandritra ny tafa sy dinika nataony
tamin’ ny Gazetibokin’ ny Fiangonana.
“Rehefa mahatakatra ny anjara asany
ao amin’ ny Fikambanana Ifanampiana
ireo rahavavy dia afaka mahatakatra fa
tena nisy fiantraikany lehibe teo amin’
ny fampandrosoana ny Fiangonana ny
maha- vehivavy azy, na tamin’ ny andro
fahiny izany na amin’ izao andro farany
izao, ary afaka mahafantatra ny tanjony
sy ny maha-izy azy izy ireo.”
Mino Rahavavy Beck fa ireo izay
mamaky ilay boky dia hianatra amin’
ny alalan’ ny ohatra sy fitsipika ny
fomba hihainoana ny Fanahy Masina sy
handraisana ny fanambarana ho an’ ny
tena manokana. Afaka ny hahazo hery
sy fanohanana eo amin’ ny fiainany andavanandro
sy eo amin’ ireo fitsapana
sy fahasahiranana atrehiny koa izy ireo.
“Misy ohatra maro maneho ny fananana
tanjaka ao amin’ ilay boky—ohatra
maro maneho ny fananana tanjaka
izay azontsika alaina tahaka,” hoy
Rahavavy Beck. “Noho izany rehefa
tonga ny andro sarotra dia manantena
aho fa ho ataon’ ny olona eo akaiky
eo ny bokiny dia horaisiny izany ary
hamaky tantara na ohatra iray izay
hampatanjaka azy izy ireo.”
Nilaza ihany koa Rahavavy Beck
fa hiditra ao amin’ ireo tokantranon’
ny Fiangonana amin’ ny alalan’ ny
tanan’ ireo rahavavy izany boky izany,
saingy mino izy fa io boky io dia
ho loharanon-kevitra manan-danja
sady ho an’ ny lehilahy no ho an’ ny
vehivavy. Hanampy ireo zatovovavy
hahatakatra ny fomba hahatonga
azy ireo ho tadifiditra ao anatin’ ilay
fikambanam-behivavy lehibe maneran-tany
izany, ary afaka mampiray
ny mpivady ao anatin’ ilay asa masina
ataon’ izy ireo, dia ny fitarihana ny fianakavian’
izy ireo sy ny fanompoana
ny Fiangonana izany.
Taorian’ ny fandalinana ilay boky
dia nilaza i Dale Cook, filohan’ ny
Tsatòkan’ i Bluff, Syracuse Utah, fa ho
loharanon-kevitra manan-danja izay
tsy hanampiana fotsiny ny vehivavin’
ny Fiangonana hahatakatra ny anjara
toerany amin’ ny maha-mpanara-dia an’
i Kristy azy izany boky izany fa hanampiana
ny lehilahy hahatakatra izany koa.
“Hamaky sy hahita ianao fa mifampiankina
sy mifandray amin’ ny fisoronana
izany [ny Fikambanana Ifanampiana],”
hoy ny Filoha Cook. “Nanampy ahy
hahatakatra ny hery ananan’ ny vadiko
izany sy hahafantatra ny [fomba] hitiavako
azy [tsaratsara kokoa] ary hanampiako
sy hanohanako azy.”
Mikasika ilay Boky
Natao ho loharanon-kevitra amin’
ny fandalinana ataon’ ny tena manokana
sy ho an’ ny fampianarana ao antokantrano,
ao amin’ ny Fikambanana
Ifanampiana ary amin’ ny fotoana
hafa ao am-piangonana ilay boky. Efa
nalefa any amin’ ny eveka sy filohan’
ny sampana izany, izay hiara-hiasa
amin’ ireo filohan’ ny Fikambanana
Ifanampiana mba handinika ny fomba
hahatongavan’ ny fizarana ilay boky
ho lasa fitahiana ho an’ ireo rahavavy
eo amin’ ny paroasy sy sampana.
Antenaina hisy amin’ ny fiteny
am-polony mahery eo ho eo ilay boky
amin’ ny faran’ ny volana Janoary 2012.
Ny ankamaroan’ ireo dia efa hita amin’
ny alalan’ ny Internet, izay ahafahan’
ireo mpikambana mahita ireo rakitsary
mifandraika amin’ izany, sy mizara
teny avy amin’ ny tena manokana ary
mamaky ireo sosokevitra mikasika
ny fomba hampiasana sy hizarana
ireo hafatra voarakitra ao amin’ ilay
boky. Mandehana ao amin’ ny lds
.org/ relief-society/ daughters-inmy-kingdom.
Tsindrio ny “Additional
Languages (PDF)” eo afovoan’
ny pejy eo ambanin’ ny “Related
Resources.”Hipoitra eo amin’ ny sisiny
havanan’ ny pejy manaraka ny lisitr’
ireo fiteny efa misy. Ho adika amin’ ny
fiteny maro ilay tranonkala atsy ho atsy.
Nôvambra 2011
127